Marcos 1:7 - Emberá Chamí

⁷ Maud̶e naka jaradeabachii: «Mʉare ab̶a neei chi mʉ aude mechiu nii. Maud̶eeba mʉ sinib̶arikau kob̶eeped̶a ichiba jʉ̃rʉd̶e jʉ̃barii poyaa enai b̶uuwãe.

Marcos 1:7 Iomraidhean Croise

Mateo 3:11

»Mʉʉba baniaba machi boro ea b̶uu waabenarãmaa unubiad̶amera chi kachirua waud̶ai ida b̶uped̶aad̶a. Maamina mʉare ab̶a neei chi mʉ aude mechiu nii. Maud̶eeba ichiba jʉ̃rʉd̶e jʉ̃barii poyaa enai b̶uuwãe. Ichiba Dachi Akõre Jauri deai. Maamina ijãad̶awẽebʉrã kastikakuai.

Mateo 3:14

Maamina Juanba Jesús boro eamaaba jarasii: —Bichiaburu mʉ boro eai b̶uu. ¿Sakãe mʉʉmaa neeruma?

Marcos 1:6

Juanba paru camello kara waud̶a jʉ̃bachii. Kʉrrd̶e ãnimara e waud̶a jʉ̃bachii. Sisi kobachii maud̶e moded̶ebena nidurr kũab̶ari b̶aa dobachii.

Marcos 1:8

Biawãra mʉʉba baniaba machi boro easii maamina ichiba Dachi Akõre Jaurid̶eeba boro eai».

Lucas 3:16

Maamina Juanba jomaurãmaa jarasii: «Biawãra mʉʉba baniaba machi boro ea b̶uu. Maamina mʉ audeara chi mechiu nii neei. Mauba jʉ̃rʉd̶e jʉ̃barii mʉ mau enai baita biꞌiwãe b̶uu. Mauba Dachi Akõre Jauri deai. Maamina ijãad̶awẽebʉrã kastikakuai.

Hechos 13:25

Ichi biui ewari ʉ̃rʉ ba b̶uasiid̶e Juanba jarasii: “Machiba mʉ ¿kai kʉ̃risia panuma? Mʉ Dachi Akõreba Dachi Karibabarii deai jarad̶awãema. Maamina chi mʉare neei mʉ audeara chi mechiu nii. Mauba jʉ̃rʉd̶e jʉ̃barii mʉ mau enai baita biꞌiwãe b̶uu”.

Hechos 19:4

Maud̶e Pabloba jarasii: —Juanba jarabachii ẽbẽrarãba kachirua waubadau ida b̶ud̶aped̶a Dachi Akõremaa need̶amera. Maka wauduubʉrã ichiba boro eabachii. Mau awara jarabachii chi ichi kaad̶e neeruu ijãad̶amera. Mau Jesús basii.