Marcos 1:41 - Emberá Chamí

⁴¹ Jesusba miichuburi nii unud̶ad̶eeba ichi jua ʉ̃rʉ kub̶uuruud̶e jarasii: —Maka wau kʉ̃ria b̶uu. ¡Aribiáse!

Marcos 1:41 Iomraidhean Croise

Mateo 9:36

Ẽbẽrarã ãrea araa ãbua imi nub̶uu unusiid̶e kĩra chuburiasii, miichuburi panasiid̶eeba, kĩra nomaa panasid̶aud̶eeba, oeja nubariiwãe nuree kĩra.

Marcos 1:40

Maka b̶uud̶e ẽbẽra kakua chau nii Jesusmaa neesii. Mau ẽbẽra õdarrd̶e kob̶eeped̶a naka chi chuburia id̶isii: —Bichiba kʉ̃ria b̶uubʉrã, mʉ poyaa aribiabii.

Marcos 1:42

Ara makʉd̶e chi kakua chau b̶uad̶a wãꞌãesii, maud̶e chi ẽbẽra anisii.

Marcos 4:39

Maabae Jesús jiraduped̶a pũatu maud̶e do ʉ̃rapemaa iadaasii: —¡Chũpease! ¡Apiise! Ara makʉd̶e pũatuwẽa did̶isii. Joma apii nub̶eesii.

Marcos 5:41

Wẽrakau juad̶e jidauped̶a Jesusba jarasii: —Talita cum. (Mau arameo bed̶ead̶e naka jara b̶uu: “Wẽrakau, mʉʉba bichimaa jaraaruu: jiraduse”).

Marcos 6:34

Jesús jãbad̶ebena ed̶aa wãsiid̶e ẽbẽrarã ãrea unusii. Oeja nubariiwãe nuree kĩra duanuud̶eeba, Jesusba ãchi kĩra chuburiasii. Maud̶eeba ãchimaa ne ãrea jaradea kob̶eesii.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.