Marcos 1:34 - Emberá Chamí

³⁴ Maud̶e Jesusba ẽpermo nuree ãrea aribiabiasii maud̶e jai kachiruarã ãrea duabʉikuasii. Jauri kachiruarãba ichi kuitaa panad̶ad̶eeba Jesusba chũpeabiabachii.

Marcos 1:34 Iomraidhean Croise

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Marcos 1:25

Jesusba ichimaa naka jarasii: —¡Chũpea b̶uase! Jãu mukĩra kakuad̶ebena awara wãse.

Marcos 3:12

Maamina Jesusba jai kachiruarãmaa iadaakuabachii ichi ʉ̃rʉbena arakʉd̶e jararãad̶amera.

Lucas 4:41

Maud̶e jai kachiruarã joma duabʉikasii. Wãaduud̶e naka b̶ia jarasid̶au: «¡Bichi biawãra Dachi Akõre warrbʉ!» Ãchiba kuitaa panasid̶au ichi Dachi Akõreba Dachi Karibabarii deai jarad̶a. Maud̶eeba Jesusba ãchi iadaabachii chũpead̶amera.