Marcos 1:30 - Emberá Chamí

³⁰ Maud̶e Jesusmaa jarasid̶au Simón pakõre kʉamiaba kʉd̶ad̶e b̶uu.

Marcos 1:30 Iomraidhean Croise

Mateo 8:14

Maabae Jesús Pedro deemaa wãsii. Ed̶a wãsiid̶e Pedro pakõre kʉamiaba kʉd̶ad̶e b̶uu unusii.

Marcos 1:29

Maud̶e judiorã araa ãbua imibadau ded̶ebena wãd̶aped̶a Simón deed̶aa wãsid̶au Jesús, Santiago maud̶e Juan. Simón ãba Andrés sid̶a aria b̶uabachii.

Marcos 1:31

Mau b̶uumaa wãped̶a, juad̶e jidauped̶a jiradubisii. Ara makʉd̶e chi kʉamia duusii. Maabae Simón pakõreba ãchimaa kobiasii.

Marcos 5:23

naka chi chuburia id̶isii: —Mʉ kau biumaa b̶uu. Bichi jua ichi ʉ̃rʉ kub̶ud̶e neese aribiamera.

Juan 11:3

Maud̶e Lázaro neekaurãba Jesusmaa jarad̶e bʉisid̶au: —Dai Mechiu, bichi kõpaero ãrea ẽpermo b̶uu.

1 Corintios 9:5

Waabenarã Jesusba bʉid̶arã, Dachi Mechiu Jesús ãbarã maud̶e Pedro ãchi wẽrarã ome ãbua nibabadau. Ara maarã kĩra ¿Jesusd̶e ijãa b̶uu wẽra ome kãiped̶a, mʉ ome ãbua uru nibaabai b̶uka?