Lucas 9:51 - Emberá Chamí

⁵¹ Jesús ʉtaa wãi kaita bakarĩid̶e, biawãra Jerusalend̶aa wãi kʉ̃risiasii.

Lucas 9:51 Iomraidhean Croise

Marcos 16:19

Maka jarasiid̶e Dachi Akõreba Dachi Mechiu Jesús bajãad̶aa adoesii. Aria ichi jua biare akʉ b̶eesii.

Lucas 12:50

Maamina mau naed̶e mʉ ãrea biꞌiwãe b̶uu. Maud̶eeba ãrea kĩra nomaa b̶uabarii ab̶a mau ewari neeruud̶aa.

Lucas 13:22

Jerusalend̶aa wãaruud̶e Jesusba puuru mechiud̶e maud̶e puuru kaebeud̶e jaradeasii.

Lucas 17:11

Mau maad̶akare Jesús Galilead̶ebena Jerusalend̶aa wãsii. Wãaruud̶e Samaria druare wãsii.

Lucas 18:31

Jesusba chi ichi baara nibabadaurã 12 ãyaa adoeped̶a jarasii: «Dachi Akõre baita berreabadaurãba mʉ, chi Ẽbẽra Ba B̶uad̶a ʉ̃rʉbena kartad̶e b̶ʉsid̶au. Dachi Jerusalend̶e needuud̶e ãchiba b̶ʉped̶aad̶a joma makai.

Lucas 19:11

Jesús Jerusalén kaita b̶uud̶eeba, chi aria panuuba kʉ̃risia panasid̶au ara mau ewarid̶e Dachi Akõreba ichid̶irã ichi juad̶e ua b̶eei. Jesusba jara b̶uu ũri panuud̶eeba, ne jaradeai baita naka nebʉrʉsii:

Lucas 19:28

Maka jaraped̶a Jesús Jerusalend̶aa naa wãsii.

Lucas 24:51

Maka biꞌia berrea b̶uud̶e Dachi Akõreba ichi bajãad̶aa adoesii.

Lucas 9:57

Od̶e wãaduud̶e ab̶auba Jesusmaa jarasii: —Jaradeabarii, bichi wãaruumaa mʉ bichi ome wãi.

Juan 13:1

Pascua ewari bai naed̶e Jesusba kuitaa b̶uasii ichi ewari neeruu. Kuitaasii nau iujãa b̶ʉiped̶a ichi Akõremaa wãi. Jesusba joma ichid̶irã nau iujãad̶e nuree ãrea kʉ̃ria b̶uasiid̶eeba ichiba mau kʉ̃ria unubiasii ab̶a ichi biuruu ewarid̶aa.

Juan 16:28

Mʉ Chacha b̶uumarebena nau iujãad̶aa neesii. Maamina mʉʉba nau iujãa b̶ʉi mʉ Chachamaa waya wãi baita.

Juan 16:5

Maamina mʉ, chi mʉ bʉid̶amaa wãi. Maamina ab̶a machid̶ebenaba mau ʉ̃rʉbena mʉʉmaa id̶iwẽa b̶uu.

Juan 17:11

»Mʉ nau iujãad̶e b̶uawẽe maamina maarã wabid̶a nau iujãad̶e panad̶ai. Chacha, bichi ãrea biꞌia nii. Mʉ bichimaa wãaruud̶eeba bichi poyaad̶eeba maarã ãrea nukua b̶uase. Bichi trʉ̃d̶eeba, mʉʉmaa mau poyaabarii deasii, ãchi kakua ab̶a nii kĩra nuread̶amera, dachi kakua ara ab̶a nii kĩra.

Juan 6:62

Maka b̶uubʉrã machiba mʉ, chi Ẽbẽra Ba B̶uad̶a chi naa b̶uad̶amaa ʉtaa wãaruu unuuduubʉrã ¿saka kʉ̃risiad̶aima?

Hechos 1:2

ab̶a Dachi Akõreba bajãad̶aa adoeruud̶aa. Bajãad̶aa wãi naed̶e Dachi Akõre Jaurid̶eeba Jesusba chi ichiba bʉid̶arãmaa jaradeasii kãare waud̶ai panuu. Maarã ichiba jʉrʉ adaud̶a basii.

Hechos 1:9

Jesusba maka jarasiid̶e Dachi Akõreba ʉtaa adoesii. Ãchiba ichia panuud̶e mau jʉ̃rʉara tãed̶e wãsii maabae makaa unud̶aabasii.

Efesios 1:20

Dachi Akõreba Cristo biu b̶uad̶a chokae jiradubiped̶a bajãad̶e ichi jua biare akʉ b̶eebisii.

Filipenses 3:14

Pira kãrii, chi neei b̶uumaa neei baita, Jesucristod̶eeba ne bia bajãad̶ebena adaui baita, Dachi Akõreba iusiid̶eeba.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

1 Pedro 3:22

Jesucristo chokae jiraduped̶a, bajãad̶aa wãped̶a Dachi Akõre jua biare b̶uu. Joma angelerã, joma jai kachiruarã chi mechiurã maud̶e chi meserãa nuree ichi juad̶e uru b̶uu.