Lucas 9:43 - Emberá Chamí

⁴³ Dachi Akõre poyaad̶eeba chi makad̶a unusid̶aud̶e jomaurãba pera duanuu kĩra duaneesii. Ichiba wau b̶uu kakua ẽbẽrarãba wabid̶a ãrea kʉ̃risia panuud̶e Jesusba ichi baara nibabadaurãmaa jarasii:

Lucas 9:43 Iomraidhean Croise

Mateo 17:22

Galilea druad̶e ãbua panasid̶aud̶e Jesusba ichi baara nibabadaurãmaa jarasii: —Kãꞌãabariwãed̶e mʉ, chi Ẽbẽra Ba B̶uad̶a ẽbẽrarãmaa jidaubiai.

Marcos 6:51

Jesús jãbad̶e atausiid̶e chi pũatu apiisii. Maud̶eeba kãare kʉ̃risiad̶ai adua basii.

Lucas 18:43

Ara makʉd̶e unu kob̶eesiid̶e Jesús kaad̶e nibad̶easii. Mauba Dachi Akõremaa ãrea biꞌia jara nibasii. Mau unuped̶aad̶arã bid̶a Dachi Akõremaa biꞌia jara paneesid̶au.

Lucas 4:36

Mau unusid̶aud̶e jomaurãba kãare kʉ̃risiad̶ai adua basii. Ãchiba chiya id̶i kopaneesid̶au: «Ichi bed̶eaba ¿saka jãka wau b̶uma? Ichiba jaraaruu jai kachiruarãba ijãabadau. Ichiba ne joma ichi juad̶e ua b̶uud̶eeba maud̶e poyaad̶eeba berrearuud̶e jai kachiruarã wãuribadau».

Lucas 5:26

Mau unusid̶aud̶e joma pera duanuu kĩra duaneesid̶au. Maud̶eeba Dachi Akõre ãrea biꞌia jarasid̶au. Dachi Akõre wapead̶eeba jarasid̶au: —¡Id̶i biawãra ẽbẽrarãba ne poyaa waud̶akau mechiu unusid̶au!

Lucas 8:25

Maabae ichi baara nibabadaurãmaa naka jarasii: —Machiba ijãa panuu ¿Sãasma? Maamina ichi baara nibabadaurãba wapeaba kãare kʉ̃risiad̶ayu adua basii. Ãchi chiya id̶isid̶au: —¿Nau kaima? Pũaturãba maud̶e mar bid̶a ichi bed̶ea ijãa panuu.

Lucas 9:42

Chi warr Jesusmaa wãaruud̶e chi jai kachiruaba chi warr jeed̶a b̶aebiped̶a ãrea wawabisii. Maamina Jesusba chi jai duabʉisii. Chi warr aribiabid̶a chi akõremaa deasii.

2 Pedro 1:16

Dachi Mechiu Jesucristo poyaabarii ʉ̃rʉbena maud̶e ichi waya neei ʉ̃rʉbena daiba machimaa jaradeasid̶aud̶e ara dai kʉ̃risiad̶eeba jaraped̶aad̶a jaradead̶aabasii. Maumaarã Dachi Mechiu Jesús kĩrawãrea ted̶echoa unuped̶aad̶ad̶eeba maka jaradeasid̶au.