Lucas 9:4 - Emberá Chamí

⁴ Wãaduu nid̶aud̶e ab̶auba machi biꞌia irsibiiruud̶e mau ded̶e panésturu ab̶a mau puurud̶ebena wãaduud̶aa.

Lucas 9:4 Iomraidhean Croise

Mateo 10:11

»Machi puuru mechiud̶e maebʉrã puuru kaebeud̶e needuud̶e machiba ẽbẽra sõbia nuree jʉrʉ́sturu. Mau ẽbẽra ded̶e panésturu ab̶a mau puurud̶ebena wãaduud̶aa.

Marcos 6:10

Mau awara jarasii: —Machi barikiu puurud̶e needuud̶e ab̶auba machi biꞌia irsibiiruud̶e mau ded̶e panésturu ab̶a mau puurud̶ebena wãaduud̶aa.

Lucas 9:3

Wãd̶ai naed̶e Jesusba ãchimaa jarasii: —Machi wãaduud̶e ne ab̶a bid̶a adoerã́sturu. Duma, ũabisa, chiko maud̶e chi nejarra adoerã́sturu. Paru kakuad̶e jʉ̃ panúturu adoésturu.

Lucas 9:5

Maamina puurud̶ebenarãba machi biꞌia irsibid̶awẽebʉrã mamabena wã́sturu. Wãaduud̶e ioro jora machi jʉ̃rʉd̶ebena neapésturu. Mauba kuitaabiai ãchiba Dachi Akõre ida b̶u panuu kakua ichiba kastikai.

Hechos 16:15

Lidia maud̶e joma ichi ded̶ebenarã boro easid̶aud̶e daimaa chi chuburia id̶isii ichi ded̶e paneed̶amera. Naka jarasii: —Machimaa mʉʉba biawãra Dachi Mechiud̶e ijãasiibʉrã, mʉ ded̶e panad̶e nésturu. Maka dai ichi ded̶e paneebiasii.