Lucas 9:39 - Emberá Chamí

³⁹ Mau jai kachiruaba uru b̶uu. Mauba chi warr jidauruud̶e, b̶iabibarii, wawabibarii maud̶e okarrd̶aa kõpepeabibarii. Mauba mʉ warr ida b̶ukau.

Lucas 9:39 Iomraidhean Croise

Marcos 9:18

Jauri kachiruaba jidauruud̶e b̶aebibarii, okarrd̶ebena kõpepeabibarii, kid̶a kʉrrʉabibarii maud̶e kakua ʉb̶ʉabibarii. Mʉʉba bichi baara nibabadaurãmaa jarasii mau jai kachirua duabʉid̶amera. Maamina poyaad̶aabasii.

Marcos 9:20

Ara makʉd̶e chi warr Jesusmaa adoesid̶au. Chi jai kachiruaba Jesús unuuruud̶e chi warr wawabisii. Chi warr jeed̶a b̶aeped̶a bʉraa wã kob̶eesii maud̶e okarrd̶aa kopepea kob̶eesii.

Marcos 9:26

Ara makʉd̶e chi jai kachirua b̶iaped̶a waya chi warr ãrea wawabisii. Maabae ichi kakuad̶ebena wãsii maamina chi warr biud̶a kĩra b̶aesii. Maud̶eeba chi aria panuuba jarasid̶au: —¡Ay, jãu warr biusii!

Lucas 4:35

Maud̶eeba Jesusba ichimaa naka jarasii: —Chũpea b̶uase. Jãu mukĩra kakuad̶ebena awara wãse. Ara makʉd̶e chi jai kachiruaba ẽbẽrarã tãed̶e b̶aebiped̶a awara wãsii, mau ẽbẽra puꞌuabiwẽa.

Lucas 8:29

Jauri kachiruaba maka jarasii Jesusba jarad̶ad̶eeba mau ẽbẽra kakuad̶ebena awara wãmera. Ewari ãrea b̶uasii mau jai kachiruaba ẽbẽra kachirua wau uru b̶uu. Waabenarãba chi mau mukĩra kaenaba jʉ̃d̶aped̶a kauwa nubachid̶amina chi kaena tuikuaped̶a ẽbẽra wãꞌãemaa chi jai kachiruaba adoebachii.

Lucas 9:38

Maud̶e ab̶auba naka jĩwa jarasii: —Jaradeabarii, michuburia, mʉ warr ara ab̶a uru b̶uu ichiad̶e wãse.

Lucas 9:40

Mʉʉba bichi baara nibabadaurãmaa jarasii mau jai kachirua duabʉid̶amera, maamina poyaad̶aabasii.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

Apocalipsis 9:11

Chi maarã sisi rey chi eakarr ed̶aa chob̶ead̶ebena angelbʉ. Ichi trʉ̃ hebreo bed̶ead̶e Abadón abadau maud̶e griego bed̶ead̶e Apolión.