Lucas 9:31 - Emberá Chamí

³¹ Ãchi sid̶a Dachi Akõre kĩrawãread̶eeba ted̶echoa panasid̶au. Ãchiba berrea panasid̶au Jesús Jerusalend̶e bead̶ai ʉ̃rʉbena.

Lucas 9:31 Iomraidhean Croise

Lucas 9:22

Mau awara jarasii: —Mʉ, chi Ẽbẽra Ba B̶uad̶a ãrea biꞌiwãe b̶uai. Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ ida b̶ud̶aped̶a beabid̶ai. Maamina mʉ ewari õbead̶e chokae jiradui.

Lucas 9:30

Maka b̶uud̶e ẽbẽra ome need̶aped̶a Jesús ome berreasid̶au. Ab̶a Moisés basii; chi ab̶au Elías basii.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

2 Corintios 3:18

Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

Filipenses 3:21

Ichi neeruud̶e chi kakua biui b̶uu ãyaa waui. Maud̶e ichi kakua kĩra ãrea biꞌia b̶eei. Ichi poyaabariid̶eeba maka waui. Mau poyaabariid̶eeba ichiba ne joma poyaai.

Colosenses 3:4

Machi Cristod̶eeba chokae panuud̶eeba, ichi waya unubiiruud̶e machi ichi ome panad̶ai. Maud̶e ara ichi kĩra, kĩrawãrea panad̶ai.

Hebreos 11:22

José biumaa b̶uasiid̶e Dachi Akõred̶e ijãa b̶uasiid̶eeba israeld̶ebenarã Egipto druad̶ebena wãd̶ai asii. Wãaduud̶e ichi b̶ʉʉrʉ Canaán druad̶aa jau b̶ud̶e adoésturu asii.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

2 Pedro 1:15

Maud̶eeba mʉʉba joma waui, mʉ biud̶akare, machiba joma mau ewaricha kĩrabad̶amera.

Apocalipsis 7:14

Mʉʉba panausii: —Bichiaburu kuitaa b̶uu. Maabae ichiba jarasii: —Naarã ẽbẽrarã́turu karibasid̶au chi kaad̶ebena ãrea biꞌiwãe panabiai ewari. Maarã chi Oeja Kaebe Nii oaba ãchi paru torroa jeraasid̶au.