Lucas 9:22 - Emberá Chamí

²² Mau awara jarasii: —Mʉ, chi Ẽbẽra Ba B̶uad̶a ãrea biꞌiwãe b̶uai. Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ ida b̶ud̶aped̶a beabid̶ai. Maamina mʉ ewari õbead̶e chokae jiradui.

Lucas 9:22 Iomraidhean Croise

Mateo 17:12

Maamina mʉʉba jaraaruu jãabae Elías neesii. Maamina ab̶au bid̶a ichi kuitaad̶aabasii. Maumaarã ẽbẽrarãba mau ome ãchi kʉ̃ria wausid̶au. Ara mau kĩra mʉ, chi Ẽbẽra Ba B̶uad̶a ãchi juad̶e ãrea biꞌiwãe b̶uai.

Mateo 17:22

Galilea druad̶e ãbua panasid̶aud̶e Jesusba ichi baara nibabadaurãmaa jarasii: —Kãꞌãabariwãed̶e mʉ, chi Ẽbẽra Ba B̶uad̶a ẽbẽrarãmaa jidaubiai.

Mateo 27:63

—Dai chibari, daiba kĩraba panuu jãu ẽbẽra seta id̶aa nii wabid̶a chokae b̶uasiid̶e naka jarasii: “Mʉ ewari õbead̶e chokae jiradui”.

Marcos 8:31

Maad̶akare Jesusba ichi baara nibabadaurãmaa jara kob̶eesii ichi ãrea biꞌiwãe b̶uai b̶uu. Naka jarasii: —Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ, chi Ẽbẽra Ba B̶uad̶a, ida b̶ud̶aped̶a beabid̶ai. Maamina mʉ ewari õbead̶e chokae jiradui.

Marcos 9:31

ichi baara nibabadaurãmáburu jaradead̶akai b̶uud̶eeba. Maud̶e ãchimaa jarasii: «Mʉ, chi Ẽbẽra Ba B̶uad̶a ẽbẽrarãmaa jidaubiai. Maarãba mʉ bead̶ai, maamina ewari õbead̶e mʉ chokae jiradui».

Lucas 17:25

Maamina mau ewari neei naed̶e mʉ ãrea biꞌiwãe b̶uu. Maud̶e id̶ibaebena ẽbẽrarãba mʉ kʉ̃riad̶ai ida b̶ud̶ai.

Lucas 24:26

¿Dachi Akõreba Dachi Karibabarii deai jarad̶a chi Mechiu b̶eei naed̶e biꞌiwãe b̶uai baska?

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Lucas 24:7

Ichiba naka jarasii: “Mʉ, chi Ẽbẽra Ba B̶uad̶a ẽbẽrarã kachiruarãmaa jidau dead̶ai panasii. Mʉ cruzd̶e bead̶ai, maamina ewari õbead̶e chokae jiradui”.

Lucas 9:44

—Mʉʉba machimaa jaraaruu ãrea biꞌia ũrísturu. Mʉ, chi Ẽbẽra Ba B̶uad̶a ẽbẽrarãmaa jidaubiai.

1 Corintios 15:4

Ichi jau b̶usid̶au, maabae ewari õbead̶e biud̶a bad̶a chokae jiradusii Dachi Akõre bed̶ead̶e b̶ʉ kub̶uu kĩra.

1 Pedro 1:11

Cristo Jauri ãchi sõd̶e b̶uuba berreabiabachii Cristo ãrea biꞌiwãe b̶uad̶a bad̶a Dachi Akõreba biꞌia b̶ui ʉ̃rʉbena. Berreasiid̶e kuitaa kʉ̃ria panasid̶au kai ʉ̃rʉbena Cristo Jauriba ãchimaa berreabiasii maud̶e sakaed̶e joma mau makai.