Lucas 9:18 - Emberá Chamí

¹⁸ Earab̶a Jesús istu Dachi Akõremaa ʉtaa id̶imaa b̶uasii. Chi ichi baara nibabadaurã aria panuud̶e, Jesusba ãchimaa id̶isii: —Ẽbẽrarãba mʉ ¿kai kʉ̃risia panuma?

Lucas 9:18 Iomraidhean Croise

Mateo 14:23

Jomaurã wãbiaped̶a ichi du ab̶a ead̶aa Dachi Akõremaa ʉtaa id̶id̶e wãsii. Kiusiid̶e ichi du ab̶a b̶uasii.

Mateo 26:36

Jesús maud̶e ichi baara nibabadaurã Getsemaní abadaud̶aa wãsid̶au. Aria Jesusba maarãmaa jarasii: —Mʉ jamaria Dachi Akõremaa ʉtaa id̶id̶e wãaruumisa nama akʉ panésturu.

Lucas 11:1

Earab̶a Jesusba Dachi Akõremaa ʉtaa id̶i b̶uasii. Mau maad̶akare ichi baara nibabarii ab̶auba naka id̶isii: —Dai Mechiu, jaradease daiba ʉtaa id̶id̶ai kuitaad̶amera, Juanba ichi baara nibabadaurãmaa jaradead̶a kĩra.

Lucas 3:21

Juanba ẽbẽrarã boro eakua b̶uasiid̶e Jesús sid̶a boro easii. Maud̶e Jesusba Dachi Akõremaa berrearuud̶e bajãa ewasii.

Lucas 6:12

Earab̶a Jesús ead̶aa wãsii. Aria Dachi Akõremaa ʉtaa id̶i b̶uu ewarisii.

Lucas 9:19

Ãchiba panausid̶au: —Chi nureeba jara panuu bichi Juan chi Boro Eabarii. Waabenarãba jara panuu bichi Elías. Waabenarãba jara panuu bichi nabẽrarã Dachi Akõre baita berreabarii chokae jiradud̶a.

Lucas 9:28

Maka jarasiid̶e 8 ewari bad̶akare Jesús Dachi Akõremaa ʉtaa id̶id̶e wãsii ea ʉtʉ nub̶uud̶aa. Pedro, Juan maud̶e Santiago adoesii.

Lucas 9:29

Aria Jesusba Dachi Akõremaa ʉtaa id̶imaa b̶uud̶e ichi kĩra awara did̶isii. Ichi paru sid̶a ʉ̃d̶aa torroa did̶isii.