Lucas 9:12 - Emberá Chamí

¹² Kiuruud̶e Jesusba 12 jʉrʉ adaud̶arã ichimaa wãd̶aped̶a jarasid̶au: —Ẽbẽrarãmaa wã́bad̶e ásturu puurud̶e maud̶e de ara kaita b̶eed̶e kãid̶amera maud̶e chiko nedod̶amera. Nama ne wãꞌãe.

Lucas 9:12 Iomraidhean Croise

Mateo 14:13

Jesusba Juan biud̶a ũrisiid̶e ichi du ab̶a jãbad̶e ẽbẽra ãrea wãꞌãemaa wãaruu basii. Maamina ẽbẽrarãba ichi samaa wãaruu kuitaasid̶aud̶e puuruchad̶ebena jʉ̃de araa wãsid̶au.

Mateo 15:23

Maamina Jesusba panaubasii. Maud̶e ichi baara nibabadaurã ara kaita wãd̶aped̶a ichimaa naka chi chuburia id̶isid̶au: —Jãu wẽra dachi kaad̶e b̶ia nii. Ichimaa jarase ãyaa wãmera.

Mateo 15:32

Maka panuud̶e Jesusba ichi baara nibabadaurã iukuaped̶a jarasii: —Mʉʉba nau ẽbẽrarã kĩra chuburia b̶uu, mʉ baara panuu ewari õbea baaruud̶eeba. Ãchiba kod̶ai wãꞌãesii. Mʉʉba jãarã ãchi deed̶aa kod̶awẽa wãd̶ai kʉ̃riawẽe. Mʉʉba bari ara jãka wãd̶ai ida b̶uuruubʉrã od̶e wawa did̶id̶ai.

Lucas 9:11

Maamina ẽbẽrarãba ichi aria b̶uu kuitaad̶aped̶a araa wãsid̶au. Maud̶e Jesusba ãchi biꞌia irsibiped̶a jaradea kob̶eesii Dachi Akõreba ichid̶irã ichi juad̶e ua b̶uai ʉ̃rʉbena. Mau bed̶ea bia jaradea b̶uud̶e chi ẽpermo nuree aribiabiasii.

Lucas 9:13

Jesusba jarasii: —Machiaburu chiko kobiásturu. Maamina ãchiba panausid̶au: —Pan jua ab̶a maud̶e b̶eda ome uru panuu. Bichiba kʉ̃ria b̶uubʉrã dai chiko nedod̶e wãd̶ai, nau ẽbẽrarã ãrea duanuumaa poyaa kobiad̶ai.

Juan 6:1

Mau maad̶akare Jesús Galilea mar kĩaraa wãsii. Mau mar maud̶e Tiberias abadau.

Filipenses 1:19

mʉʉba kuitaa b̶uud̶eeba mʉ namabena awara wãaruu, machiba Dachi Akõremaa ʉtaa id̶i panuud̶eeba maud̶e Jesucristoba dead̶a Jauriba aid̶a b̶uud̶eeba.