Lucas 8:56 - Emberá Chamí

⁵⁶ Mau unusid̶aud̶e chi akõrerãba kãare kʉ̃risiad̶ayu adua basii. Maamina Jesusba ãchimaa jarasii ab̶aumaa bid̶a jararãad̶amera.

Lucas 8:56 Iomraidhean Croise

Mateo 8:4

Jesusba ichimaa jarasii: —Bichi chi kakua anid̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Moisesba jarad̶a kĩra ne kaebea dease. Maka ẽbẽrarãba kuitaad̶ai bichi biawãra aribiad̶a.

Mateo 9:30

Ara makʉd̶e unu kopaneesid̶au. Maabae Jesusba kĩrud̶eeba jarasii mau ʉ̃rʉbena ab̶aumaa bid̶a nebʉrʉrãad̶amera.

Lucas 5:14

Maud̶e Jesusba ichimaa jarasii: —Bichi aribiad̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Dachi Akõre daad̶e biꞌia b̶eei baita Moisesba jarad̶a kĩra ne kaebea dease. Maka ẽbẽrarãba kuitaad̶ai bichi chi kakua biawãra anid̶a.

Lucas 8:55

Maka jaraaruud̶e chi wẽrakau ʉ̃rʉmaped̶a jiradusii. Maabae Jesusba jarasii chi wẽrakaumaa kobid̶amera.