Lucas 8:49 - Emberá Chamí

⁴⁹ Wabid̶a aria berrea panuud̶e Jairo ded̶ebena ab̶a neeped̶a Jairomaa naka jarasii: —Bichi kau biusii. Jaradeabarii ida b̶use.

Lucas 8:49 Iomraidhean Croise

Mateo 26:10

Maamina Jesusba mau ũrisiid̶e jarasii: —¿Sakãe jãu wẽra iadaa panuma? Jãuba waud̶a mʉ baita biꞌia b̶uu.

Mateo 9:18

Jesusba maka jaradeamaa b̶uud̶e judiorã chi karr mechiu neesii. Mau ẽbẽra Jesús daad̶e õdarrd̶e kob̶eeped̶a jarasii: —Mʉ kau ara ʉ̃ra biusii. Maamina bichi wãaruubʉrã maud̶e bichi jua jãu ʉ̃rʉ kub̶uuruubʉrã waya chokae nibabii.

Marcos 5:22

Maka b̶uud̶e ẽbẽra Jairo abadau neesii. Mau ẽbẽra judiorã araa ãbua imibadau ded̶e chi karr basii. Mau Jesús kaita neeped̶a ichi jʉ̃rʉ kaita õdarrd̶eeba kob̶eeped̶a,

Lucas 11:7

Maud̶e chi ed̶a b̶uuba naka panaui: “Kõpaero, mʉ apii b̶use. Mʉ de poraa jʉ̃a nub̶uu. Mʉ warrarã mʉ baara kãi duanuu. Maud̶eeba mʉ jiradui poyaabai b̶uu bichi ne deai baita”.

Lucas 7:6

Maka jarasid̶aud̶eeba Jesús maarã ome kokoroarã jaradea ua b̶uabarii deed̶aa wãsii. Maamina de kaita needuud̶e kokoroarã jaradea ua b̶uabariiba ichi kõpaerorã Jesusmaa naka jarad̶e bʉisii: «Mʉ mechiu, mʉ bichi kĩra biꞌia niiwãed̶eeba, mʉ ded̶e neebai b̶uu.