Lucas 8:48 - Emberá Chamí

⁴⁸ Maud̶e Jesusba jarasii: —Kau, bichi aribiasii, mʉʉba maka waui b̶uu biawãra ijãasiid̶eeba. Jirukaraayuwãe wãse.

Lucas 8:48 Iomraidhean Croise

Mateo 12:20

Sia jimid̶i kõratu b̶uu b̶ʉitaabai. Ʉ̃d̶aa koabarii b̶aꞌãra koa b̶uu kiibai. Ara mau kĩra chi chaareawãe nuree jipa wau panad̶ai ab̶a aude poyaaruud̶aa.

Mateo 8:13

Maabae Jesusba kokoroarã jaradea ua b̶uabariimaa jarasii: —Deed̶aa wãse. Bichiba ijãa b̶uu kĩra mʉa waui. Ara makʉd̶e chi kokoroarã jaradea ua b̶uabarii chi chibari baita bari trajabarii aribiasii.

Mateo 9:2

Aria ẽbẽra ab̶a b̶akara bʉʉ nii ichi jira adoebadaud̶e Jesusmaa eneesid̶au. Jesusba unusiid̶e mau ẽbẽra eneeped̶aad̶aba biawãra ijãa panuu ichiba chi b̶akara bʉʉ nii poyaa aribiabii b̶uu. Maud̶eeba Jesusba chi b̶akara bʉʉ niimaa jarasii: —Kĩrajʉʉse kũudrãa, bichiba kachirua waud̶a mʉʉba perdonasiid̶eeba.

Mateo 9:22

Jesusba waya ekarrnaa ichiaped̶a mau wẽra unusiid̶e naka jarasii: —Kau, kĩrajʉʉse. Bichiba biawãra ijãasiid̶eeba aribiasii. Ara makʉd̶e mau wẽra aribiasii.

Marcos 5:34

Maud̶eeba Jesusba ichimaa jarasii: —Kau, biawãra ijãasiid̶eeba bichi aribiasii. Jirukaraayuwãe wãse bichi ẽpermo b̶uad̶a aribiasiid̶eeba.

Lucas 17:19

Maud̶e Jesusba chi ẽbẽramaa jarasii: —Jiraduped̶a wãse. Bichiba biawãra ijãasiid̶eeba anisii.

Lucas 18:42

Jesusba jarasii: —Unu b̶eese. Bichiba ijãasiid̶eeba aribiasii.

Lucas 7:50

Maud̶e Jesusba wẽramaa jarasii: —Bichiba mʉʉd̶e ijãasiid̶eeba kachiruad̶ebena karibasii. Jirukaraayuwãe wãse.

Lucas 8:47

Chi wẽraba waud̶a poyaa merawẽe kuitaasiid̶eeba peraba uri kub̶uu wãped̶a Jesús jʉ̃rʉ kaita õdarrd̶e kob̶eesii. Maabae jomaurã daad̶e ichiba jarasii sakãe Jesús waud̶a maud̶e ara makʉd̶e aribiad̶a.

Hechos 14:9

Mau ẽbẽraba ũri akʉ b̶uasii Pabloba Jesús ʉ̃rʉbena berreamaa b̶uu. Pabloba maumaa ichiaruud̶e kuitaasii ichiba biawãra ijãa b̶uu Jesusba ichi poyaa aribiabii.

2 Corintios 6:18

Mʉ machi akõre bai. Machi mʉ warrarã nuread̶ai maud̶e mʉ kaurã nuread̶ai. Dachi Mechiu Joma Poyaabariiba maka jara b̶uu».

Hebreos 4:2

Chi bed̶ea bia Dachi Akõreba kʉrrjĩrubiai ʉ̃rʉbena dachiba ũrisid̶au nabẽraed̶ebenarãba ũriped̶aad̶a kĩra. Dachiba sõd̶eeba ijãa panuud̶eeba Dachi Akõreba kʉrrjĩrubiaimaa wãd̶ai. Maamina nabẽraed̶ebenarãba ũrid̶aped̶a ijãad̶aabasiid̶eeba mau bed̶eaba karibaabasii. Ãchi ʉ̃rʉbena Dachi Akõreba naka jarasii: «Kĩru b̶uud̶e mʉʉba biawãrad̶eeba naka jarasii: “Mʉʉba kʉrrjĩrubiaimaa jãarã wãd̶aabai”». Maka jarasii nau iujãa waud̶ad̶eed̶ebena ichiba waui b̶uad̶a joma uru b̶umina.