Lucas 8:33 - Emberá Chamí

³³ Ara makʉd̶e chi jai kachiruarã chi mukĩra kakuad̶ebena wãd̶aped̶a sina kakuad̶e ed̶a wãsid̶au. Maabae chi sina pira wãurid̶aped̶a eakarrd̶ebena doed̶aa jĩichoad̶aped̶a ʉ̃yaba jãri kinisid̶au.

Lucas 8:33 Iomraidhean Croise

Mateo 8:32

Maud̶e Jesusba jarasii: —Wã́sturu. Maabae mau jai kachiruarã mau ẽbẽrarã kakuad̶ebena wãd̶aped̶a sina kakuad̶e ed̶a wãsid̶au. Ara makʉd̶e chi sina pira wãurid̶aped̶a eakarrd̶ebena doed̶aa jĩichoad̶aped̶a ʉ̃yaba jãri kinisid̶au.

Lucas 5:1

Earab̶a Jesús mar Genesaret abadau iikaa b̶uasii. Maud̶e ẽbẽrarã ãrea ichimaa araa imisid̶au Dachi Akõre bed̶ea ũrid̶ai baita.

Lucas 8:32

Maka panuud̶e ãchi kaita ead̶e sina ãrea komaa duanasid̶au. Maud̶eeba chi jai kachiruarãba Jesusmaa chi chuburia id̶isid̶au mau sina kakuad̶e ed̶a wãbiamera. Maabae Jesusba ida wãbiasii.

Lucas 8:34

Mau unusid̶aud̶e chi sina nu panad̶a pira wãsid̶au. Ãchiba unuped̶aad̶a nebʉrʉsid̶au chi puurud̶ebenarãmaa maud̶e mau puuru kaita duanuurãmaa.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

Apocalipsis 9:11

Chi maarã sisi rey chi eakarr ed̶aa chob̶ead̶ebena angelbʉ. Ichi trʉ̃ hebreo bed̶ead̶e Abadón abadau maud̶e griego bed̶ead̶e Apolión.