Lucas 8:31 - Emberá Chamí

³¹ Maud̶e ãchiba Jesusmaa chi chuburia id̶isid̶au eakarr ed̶aa chob̶ea pãriu nub̶uud̶aa bʉikarãamera.

Lucas 8:31 Iomraidhean Croise

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Lucas 8:28

Mauba Jesús unusiid̶e b̶iasii. Maabae Jesús daad̶e õdarrd̶e kob̶eeped̶a jĩwa jarasii: —Jesús, Dachi Mechiu Warr, ¿Sakãe mʉ joe b̶uma? ¡Mʉ kĩra chuburiáse, biꞌiwãe b̶uabirã́se!

Lucas 8:32

Maka panuud̶e ãchi kaita ead̶e sina ãrea komaa duanasid̶au. Maud̶eeba chi jai kachiruarãba Jesusmaa chi chuburia id̶isid̶au mau sina kakuad̶e ed̶a wãbiamera. Maabae Jesusba ida wãbiasii.

Romanos 10:7

Maud̶e kʉ̃risiarã́se: “¿Kai biud̶arã panabadaumaa wãi b̶uma?” (Cristo chokae jiradubii baita)».

Apocalipsis 11:7

Maamina joma Dachi Akõre ʉ̃rʉbena berreaped̶aad̶akare mau ãnimara eakarr ed̶aa chob̶ead̶ebena neeruuba ãchimaa orrai. Maarã poyaaped̶a kenai.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.

Apocalipsis 19:20

Chi mura ʉ̃rʉ akʉ b̶uuba ãnimara kachirua maud̶e chi Dachi Akõre baita berreabarii chi biawãrawãe jidausii. Mauba ãnimara kachirua trʉ̃d̶eeba ẽbẽrarãba ne poyaa waud̶akau mechiu waubachii. Mauba ãnimara kachirua seña ida waubiaped̶aad̶a joma setaa kũruabachii. Mau chi ara ichi kĩra juaba ne kaped̶aad̶a ãrea kʉ̃riaped̶aad̶a setaa kũruabachii. Chi mura ʉ̃rʉ akʉ b̶uuba mau ãnimara kachirua maud̶e chi Dachi Akõre baita berreabarii chi biawãrawãe chokae panuu chob̶ea mar kĩra ed̶a azufre aoko nub̶uud̶e jiratasii.

Apocalipsis 9:11

Chi maarã sisi rey chi eakarr ed̶aa chob̶ead̶ebena angelbʉ. Ichi trʉ̃ hebreo bed̶ead̶e Abadón abadau maud̶e griego bed̶ead̶e Apolión.