Lucas 8:29 - Emberá Chamí

²⁹ Jauri kachiruaba maka jarasii Jesusba jarad̶ad̶eeba mau ẽbẽra kakuad̶ebena awara wãmera. Ewari ãrea b̶uasii mau jai kachiruaba ẽbẽra kachirua wau uru b̶uu. Waabenarãba chi mau mukĩra kaenaba jʉ̃d̶aped̶a kauwa nubachid̶amina chi kaena tuikuaped̶a ẽbẽra wãꞌãemaa chi jai kachiruaba adoebachii.

Lucas 8:29 Iomraidhean Croise

Marcos 5:8

Maka berreasii Jesusba ichimaa naka jara b̶uasiid̶eeba: «¡Jauri kachirua, nau ẽbẽra kakuad̶ebena awara wãse!»

Lucas 8:28

Mauba Jesús unusiid̶e b̶iasii. Maabae Jesús daad̶e õdarrd̶e kob̶eeped̶a jĩwa jarasii: —Jesús, Dachi Mechiu Warr, ¿Sakãe mʉ joe b̶uma? ¡Mʉ kĩra chuburiáse, biꞌiwãe b̶uabirã́se!

Lucas 8:30

Maud̶e Jesusba maumaa id̶isii: —¿Bichi trʉ̃ kaima? Ichiba panausii: —Mʉ Legión abadau. Ichiba maka jarasii jai kachiruarã chi mukĩra kakuad̶e ãrea duanuud̶eeba.

Lucas 9:39

Mau jai kachiruaba uru b̶uu. Mauba chi warr jidauruud̶e, b̶iabibarii, wawabibarii maud̶e okarrd̶aa kõpepeabibarii. Mauba mʉ warr ida b̶ukau.

Lucas 9:42

Chi warr Jesusmaa wãaruud̶e chi jai kachiruaba chi warr jeed̶a b̶aebiped̶a ãrea wawabisii. Maamina Jesusba chi jai duabʉisii. Chi warr aribiabid̶a chi akõremaa deasii.