Lucas 8:15 - Emberá Chamí

¹⁵ Maamina netaa ioro biad̶e b̶aed̶a nau jara b̶uu: sõ jipa nureerãba maud̶e kʉ̃risia bia nureerãba Dachi Akõre bed̶ea ũrid̶aped̶a biawãra ijãabadau. Ãchiba ijãa panuu ida b̶ud̶akaud̶eeba ne bia waubadau.

Lucas 8:15 Iomraidhean Croise

Mateo 24:13

Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai.

Lucas 11:28

Maamina Jesusba jarasii: —Mau kãyabãra Dachi Akõre bed̶ea ũrid̶aped̶a ijãa waubadaurã biꞌia nuree.

Lucas 6:45

Ara mau kĩra ẽbẽra bia b̶uuba ichi sõd̶e ne bia uru b̶uud̶eeba ne bia berreabarii. Maamina ẽbẽra kachiruaba ichi sõd̶e ne kachirua uru b̶uud̶eeba ne kachirua berreabarii. Ẽbẽraba ichi sõd̶e kʉ̃risia b̶uu kĩra berreabarii.

Lucas 8:14

Netaa ioro ʉri id̶aa b̶uud̶e pod̶a nau jara b̶uu: chi nuree ẽbẽrarãba Dachi Akõre bed̶ea ũribadau, maamina ãchi saka biꞌia paneed̶ai baita, ne joma uru panad̶ai baita maud̶e kĩrajʉʉ panad̶ai baita ãrea kʉ̃risiabadau. Joma mauba Dachi Akõre bed̶ea waa ũribiad̶akau maud̶e ãchiba ũriped̶aad̶a ida b̶ud̶aped̶a warid̶akau.

Lucas 8:16

»Ab̶au bid̶a ʉ̃d̶aa koabarii koaped̶a mera nub̶ukau maebʉrã paratu mechiu ekare nub̶ukau. Maumaarã chi ʉ̃d̶aa koabarii ʉtʉ nub̶ubarii chi ded̶e ed̶a needuurãba ʉ̃d̶aa unud̶amera.

Juan 14:15

»Machiba mʉ biawãra kʉ̃ria panuubʉrã, mʉ waubi b̶uu bed̶ea ijãa panad̶ai.

Juan 15:10

Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Romanos 6:22

Jãabae machi kachiruad̶ebena ena wãsid̶aud̶eeba Dachi Akõre baita bari trajabadaurã paneesid̶au. Maka Dachi Akõre baita biꞌia paneesid̶au. Maud̶eeba ichi baara ewaricha chokae panad̶ai.

Romanos 7:18

Mʉʉba kuitaa b̶uu mʉ sõd̶e ne bia wãꞌãema. Biꞌia jaraaruubʉrã, mʉ nau kakuad̶e b̶uud̶eeba ara mʉʉba kʉ̃ria b̶uud̶eeba biꞌia poyaa waukau. Mʉʉba biꞌia wau kʉ̃ria b̶umina poyaa waukau.

Romanos 7:4

Ãbarã, ara mau kĩra machi Cristo baara panuud̶eeba ichi biud̶akare, Moisesba b̶ʉd̶ad̶eeba biusid̶au. Jãabae machi Cristod̶erãd̶eeba, Dachi Akõre baita poyaa biꞌia waud̶ai.

Romanos 8:25

Maamina chi dachiba esed̶au panuu wabid̶a wãꞌãe panuud̶eeba joma dauchia jãadua panuud̶eeba kuitaa panuu biawãra adaud̶ai.

1 Corintios 7:19

Mukĩra chi kakua tõo b̶uai aude bibuara b̶uwãema maud̶e mukĩra chi kakua tõowẽa b̶uai sid̶a aude bibuara b̶uwãema. Dachi Akõreba waubi b̶uu bed̶ea wau b̶uai aude bibuara b̶uu.

Efesios 2:8

Jesusd̶e ijãasid̶aud̶eeba Dachi Akõreba ichi sõbiad̶eeba machi karibasii. Ara machi du ab̶a karibad̶aabasii, maumaarã Dachi Akõréburu bari karibasii.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

Hebreos 10:36

Machiba mau joma esed̶au panad̶ai panuu. Makaburu Dachi Akõreba kʉ̃ria b̶uu waud̶aped̶a ichiba deai jarad̶a joma adaud̶ai.

Hebreos 2:1

Maud̶eeba chi biawãra bed̶ea ũriped̶aad̶ad̶e kauwa ãrea nibad̶ai panuu ãyaa wãrãad̶amera.

Santiago 1:4

Mau biawãra dauchia jãadua paneeduubʉrã, ne jomad̶e biꞌia, jipa nuread̶ai. B̶istĩika bid̶a nistad̶awẽa panuu nuread̶ai.

1 Juan 2:3

Dachi Akõreba waubi b̶uu bed̶ea dachiba mau wau panuubʉrã, unubiad̶ai panuu ichi biawãra unu panuu.