Lucas 8:13 - Emberá Chamí

¹³ Netaa mo ʉ̃rʉ ioro bia wãꞌãed̶e b̶aed̶a nau jara b̶uu: waabenarã ẽbẽrarãba Dachi Akõre bed̶ea ãrea kĩrajʉʉ ũribadau, maamina ãrea karr jidaud̶akaud̶eeba sõd̶eeba ijãad̶akau. Maud̶eeba kãꞌãabariwãed̶e ãrea kachirua wauduud̶e ida b̶ubadau.

Lucas 8:13 Iomraidhean Croise

Marcos 6:20

Herodesba Juan wapea b̶uasii, mau ẽbẽra jipa nii maud̶e Dachi Akõre baita nii kuitaa b̶uasiid̶eeba. Maud̶eeba Juan nu uru b̶uasii. Maud̶e Juanba jaradea b̶uu ũrii kʉ̃ria b̶uabachimina ãrea apiid̶aubachii.

Lucas 8:12

Netaa od̶e b̶aed̶a nau jara b̶uu: waabenarã ẽbẽrarãba Dachi Akõre bed̶ea ũrid̶aped̶a jʉbawãe niiba mau bed̶ea ãchi sõd̶e need̶a kʉde b̶eebikau ijãarãad̶amera. Maka ãchi kachiruad̶ebena wãd̶akau.

Lucas 8:14

Netaa ioro ʉri id̶aa b̶uud̶e pod̶a nau jara b̶uu: chi nuree ẽbẽrarãba Dachi Akõre bed̶ea ũribadau, maamina ãchi saka biꞌia paneed̶ai baita, ne joma uru panad̶ai baita maud̶e kĩrajʉʉ panad̶ai baita ãrea kʉ̃risiabadau. Joma mauba Dachi Akõre bed̶ea waa ũribiad̶akau maud̶e ãchiba ũriped̶aad̶a ida b̶ud̶aped̶a warid̶akau.

Juan 15:2

Chi mʉ bakuru jua chaud̶akau ichiba joma tarikuai, maamina chi bakuru jua chaubadau kauwa tarikuabarii aude chaud̶amera.

Juan 15:6

Chi mʉ baara b̶uuwãe mʉ Chachaba ãyaa jirakuai bakuru jua chaukau kĩra. Mau bakuru jua poaruud̶e dachiba araa ped̶aped̶a baabadau.

Juan 5:35

Juan ʉ̃d̶aa koabarii kĩra nibasii. Machi ichi ʉ̃d̶aad̶e kĩrajʉʉ panasid̶au ichi machi baara ãrea b̶uabasmina.

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

1 Corintios 15:2

Mʉʉba jaradead̶a biawãra ijãa panuubʉrã, Dachi Akõreba karibai. Makawãebʉrã, machiba bari ijãasid̶au.

Gálatas 3:1

Ãbarã Galacia druad̶ebenarã, ¡machi kʉ̃risiaswãe nureerã! ¿Kaiba machi setaa kũruasii chi biawãra bed̶ea ida b̶ud̶amera? Daiba machimaa joma chi Jesucristo cruzd̶e biu b̶uad̶a ʉ̃rʉbena jaradeabachid̶au.

Gálatas 3:4

Machi biꞌiwãe panad̶a Cristo kakua ¿bari makaska? ¡Mʉʉmaarã, machi bari ãrea biꞌiwãe panad̶aabasii!

Efesios 3:17

Maud̶e ʉtaa id̶i b̶uu ijãa panuud̶eeba Cristo machi sõd̶e b̶uamera maud̶e machi ne jomad̶e kʉ̃riad̶eeba panad̶amera. Maka chaarea nuread̶ai ãrea karr jidau panuu kĩra.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 2:7

Ichid̶eeba chaarea panásturu ãrea karr jidau panuu kĩra maud̶e de bia waud̶a kĩra. Ichid̶e ãrea ijãa panásturu ãbarãba jaradeaped̶aad̶a kĩra. Ewaricha Dachi Akõremaa ichíturu kid̶ibai ásturu.

1 Tesalonicenses 3:5

Maud̶eeba mʉʉba waa poyaa dauchia jãadua b̶uawẽed̶eeba Timoteo machimaa bʉisii, wabid̶a Cristod̶e ijãa panuu kuitaai baita. Mʉʉba kʉ̃risia b̶uasii jʉbawãe niiba machimaa Cristo ida b̶ubia b̶uasii. Makad̶a basirã daiba machimaa Cristo ʉ̃rʉbena jaradeaped̶aad̶a bari ara jãka b̶uai basii.

Hebreos 10:39

Waabenarãba Dachi Akõred̶e ijãa panuu ida b̶ud̶aped̶a adua paneebadau. Maamina dachi mau ẽbẽrarã kĩra panuuwãema, maumaarã Dachi Akõred̶e ijãa panuud̶eeba ewaricha chokae panad̶ai.

Santiago 2:26

Biud̶a jauri wãꞌãe nii. Ara mau kĩra Dachi Akõred̶e ijãa b̶uu a b̶uuba biꞌia wauwẽebʉrã, biawãra ijãawẽa b̶uu. Ichiba ijãa b̶uu a b̶uu ẽbẽra biud̶a kĩra nii.

2 Pedro 2:20

Jesucristo Dachi Mechiu maud̶e Dachi Karibabarii kuitaa panuud̶eeba nau iujãad̶e b̶uu kachiruad̶ebena karibasid̶au. Maamina jʉ̃karad̶e bʉra paneeduu kĩra waya kachirua wauduubʉrã, naa panad̶a audeara kachirua paneed̶ai.

2 Pedro 2:22

Ãchi ẽbẽraba naka jarabadau kĩra nuree: «Usa otomaaped̶a waya neebarii chi otomaad̶a koi baita». Maud̶e naka jarabadau: «Sina kuiped̶a waya ioro susuad̶e bʉraa b̶eebarii».

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.

Judas 1:12

Machi ãbua need̶aped̶a kʉ̃riad̶eeba kĩrajʉʉ komaa panuud̶e ãchi wapead̶awẽa machi baara kobadau. Maka machiba wau panuu maarãba kachiruabiabadau. Ara ãchid̶éburu kʉ̃risiabadau. Maarã jʉ̃rʉara pũatuba adoebarii kĩra nuree. Pũaturãba jʉ̃rʉara ãyaa adoeruud̶e kui chekau. Ara mau kĩra ãchiba jaradeaduuba aid̶akau. Bakuru b̶es ome biud̶a kĩra nuree, chi chaui ewarid̶e chi netaa deakaud̶eeba maud̶e chi karrad̶eed̶e ẽesiid̶eeba.