Lucas 7:8 - Emberá Chamí

⁸ Mʉ jaradea b̶uabariiba jara b̶uu mʉʉba ijãai b̶uu. Maud̶e mʉʉba jara b̶uu kokoroarã mʉ juad̶e nureerãba ijãad̶ai panuu; mʉʉba ab̶aumaa nébad̶e aaruud̶e neebarii; wã́bad̶e aaruud̶e, wãbarii; maud̶e mʉ baita bari trajabariimaa naka wáubad̶e aaruud̶e arab̶aud̶e ichiba waubarii».

Lucas 7:8 Iomraidhean Croise

Lucas 7:7

Maud̶eeba mʉ bichimaa wãabasii. Maamina bichiba jamareeba berrearuubʉrã mʉ baita bari trajabarii aribiabii.

Lucas 7:9

Mau ũrisiid̶e Jesusba ichi ʉ̃rʉbena biꞌia kʉ̃risiasii. Maud̶eeba chi ichi baara wãaduumaa ichiaped̶a jarasii: «Mʉʉba jaraaruu: nau ẽbẽraba ãrea ijãa b̶uu kĩra, israeld̶ebena ab̶a bid̶a unukau».

Hechos 23:17

Maud̶eeba Pabloba kokoroarã chi jaradea ua b̶uabarii ab̶a iuped̶a jarasii: —Nau kũudrãa chi mechiu b̶uumaa adoese. Ichiba ne jara kʉ̃ria b̶uu.

Hechos 23:23

Maabae kokoroarã mechiuba chi jaradea ua b̶uabadau ome iuped̶a maabae jarasii: —Jʉrʉ adause, 200 kokoroarã, 70 kokoroarã murad̶e wãbadaurã maud̶e 200 miasuba tĩubadaurã, maabae nau ẽsabud̶e las 9d̶e Cesarea puurud̶aa wã́sturu.

Hechos 23:26

Mʉ, Claudio Lisiasba nau karta b̶ʉʉruu mʉ karr Félix baita. Mʉʉba kʉ̃ria b̶uu bichi biꞌia b̶uai.

Hechos 23:31

Ara makʉd̶e kokoroarãba ãchi jaradea ua b̶uabariiba jarad̶a wausid̶au. Ẽsabud̶e Pablo Antipatris puurud̶aa adoesid̶au.

Hechos 24:23

Maabae ichiba kokoroarã chi jaradea ua b̶uabariimaa Pablo nubisii, maamina jarasii chi Pabloba wau kʉ̃ria b̶uu ida waubimera. Maud̶e ida b̶usii Pablo kõpaerorãba ichi aid̶ad̶e need̶amera.

Hechos 25:26

Maamina mʉʉba biawãra kuitaawẽe kãare b̶ʉi ichi nebʉra ʉ̃rʉbena, chi aude mechiuba mau kuitaamera. Maud̶eeba ichi machi daad̶e eneebisii. Judiorã rey Agripa, mʉʉba kʉ̃ria b̶uu bichiaburu biꞌia ũrii. Maka machiba ichimaa ãrea id̶id̶aped̶a mʉʉba dachi aude mechiu baita ichiba kachirua waud̶a poyaa kartad̶e b̶ʉi.

Colosenses 3:22

Chi chibari baita bari trajabadaurã, machi jaradea ua b̶uabarii nau iujãad̶ebenarãba waubiiruu joma wáusturu. Maamina ichiba ichia b̶uud̶éburu waurã́sturu, ichi ome biꞌia nuread̶ai baita. Maumaarã Dachi Akõre wapea panuud̶eeba sõbiad̶eeba joma wáusturu.