Lucas 7:7 - Emberá Chamí

⁷ Maud̶eeba mʉ bichimaa wãabasii. Maamina bichiba jamareeba berrearuubʉrã mʉ baita bari trajabarii aribiabii.

Lucas 7:7 Iomraidhean Croise

Marcos 1:27

Maud̶eeba jomaurãba kuitaa kʉ̃risiad̶aabasii. Ãchiba chiya id̶i kopaneesid̶au: «¿Nau kãarema? Jesusba jaradea b̶uu chi wid̶ibʉ, ãrea kuitaa arakʉd̶e jaradeabariid̶eeba. Chi jai kachiruarã bid̶a ichiba jaraaruu ũri panuu».

Lucas 4:36

Mau unusid̶aud̶e jomaurãba kãare kʉ̃risiad̶ai adua basii. Ãchiba chiya id̶i kopaneesid̶au: «Ichi bed̶eaba ¿saka jãka wau b̶uma? Ichiba jaraaruu jai kachiruarãba ijãabadau. Ichiba ne joma ichi juad̶e ua b̶uud̶eeba maud̶e poyaad̶eeba berrearuud̶e jai kachiruarã wãuribadau».

Lucas 5:13

Maud̶e Jesusba chi ẽbẽra ʉ̃rʉ jua kub̶uuruud̶e jarasii: —Maka wau kʉ̃ria b̶uu. ¡Aribiáse! Ara makʉd̶e chi kakua chau nibad̶a wãꞌãesii.

Lucas 7:6

Maka jarasid̶aud̶eeba Jesús maarã ome kokoroarã jaradea ua b̶uabarii deed̶aa wãsii. Maamina de kaita needuud̶e kokoroarã jaradea ua b̶uabariiba ichi kõpaerorã Jesusmaa naka jarad̶e bʉisii: «Mʉ mechiu, mʉ bichi kĩra biꞌia niiwãed̶eeba, mʉ ded̶e neebai b̶uu.

Lucas 7:8

Mʉ jaradea b̶uabariiba jara b̶uu mʉʉba ijãai b̶uu. Maud̶e mʉʉba jara b̶uu kokoroarã mʉ juad̶e nureerãba ijãad̶ai panuu; mʉʉba ab̶aumaa nébad̶e aaruud̶e neebarii; wã́bad̶e aaruud̶e, wãbarii; maud̶e mʉ baita bari trajabariimaa naka wáubad̶e aaruud̶e arab̶aud̶e ichiba waubarii».