Lucas 7:43 - Emberá Chamí

⁴³ Simonba panausii: —Mʉa kʉ̃risia b̶uu chi aude deai b̶uad̶aba aude biꞌia kʉ̃riai. Jesusba jarasii: —Bichiba arakʉd̶e panausii.

Lucas 7:43 Iomraidhean Croise

Mateo 18:27

Maabae kĩra chuburiad̶eeba chi reyba joma chi ẽbẽraba deai b̶uad̶a perdonaped̶a ichi deemaa bʉisii.

Marcos 12:34

Moisesba b̶ʉd̶a jaradeabariiba mau kʉ̃risia kuitaad̶eeba jarasiid̶eeba Jesusba jarasii: —Bichi Dachi Akõreba ichid̶irã ichi juad̶e ua panuu kaita b̶uu. Makaed̶ebena ab̶auba Jesusmaa waya id̶id̶ai kʉ̃riad̶aabasii.

Lucas 10:38

Od̶e wãaduud̶e Jesús maud̶e chi ichi baara nibabadaurã puuru kaebeud̶e neesid̶au. Aria wẽra Marta abadau b̶uabachii. Mau Martaba Jesús ichi ded̶e biꞌia irsibisii.

Lucas 7:42

Maamina ãchiba poyaa dead̶aabasii kuitaasiid̶eeba, chi nejarra barau nii ẽbẽraba ãchiba dead̶ai panuu ida b̶usii. Mʉʉba bichimaa id̶iiruu: ¿Sãuba chi ẽbẽra chi nejarra dead̶aubarii aude kʉ̃riai b̶uma?

Lucas 7:44

Maabae wẽramaa ichiaped̶a Simonmaa jarasii: —¿Bichiba nau wẽra unu b̶uka? Mʉ bichi ded̶e neesiid̶e bichiba bania deabasii mʉ jʉ̃rʉ koebii baita, maamina nau wẽraba ara ichi daub̶aaba mʉ jʉ̃rʉ koeped̶a ichi bud̶aba poabisii.

Lucas 7:47

Maud̶eeba mʉʉba naka jaraaruu: mau wẽraba kachirua ãrea waud̶a mʉʉba joma perdonasii. Maud̶eeba mauba mʉ ãrea kʉ̃ria b̶uu. Maamina chi b̶aꞌãra kachirua wau b̶uu, mʉʉba perdonaaruubʉrã, mauba mʉ b̶aꞌãra kʉ̃ria b̶uai.