Lucas 7:16 - Emberá Chamí

¹⁶ Maud̶eeba chi aria panuu ãrea perasid̶au. Jomaurãba Dachi Akõre baita nau biꞌia jarasid̶au: —Biawãra Dachi Akõre baita berreabarii chi mechiu dachi tãed̶e neesii. Dachi Akõre ichi puuru karibad̶e nee b̶uu.

Lucas 7:16 Iomraidhean Croise

Mateo 15:31

Ẽbẽra aria panuurãba unusid̶au chi bosara nuread̶a berreaduu, chi jua morraa nuread̶a aribiaduu, jʉ̃rʉ nʉka nuread̶a biꞌia nibad̶eaduu maud̶e dau pãriu nuread̶a unu panuu. Jomaurãba kãare kʉ̃risiad̶ai adua panasid̶aud̶eeba israeld̶ebenarã Akõremaa biꞌia berreasid̶au.

Mateo 21:11

Id̶iiduucha Jesús ome neeped̶aad̶arãba panausid̶au: —Jãu Jesusbʉ, Dachi Akõre baita berreabarii. Ichi Nazaret puurud̶ebena, Galilea druad̶ebenabʉ.

Mateo 28:8

Ara makʉd̶e wẽrarã Jesús jau b̶uped̶aad̶a chob̶ead̶ebena pira wãsid̶au. Wapea panumina ãrea kĩrajʉʉ pira wãsid̶au. Jesús baara nibabadaurãmaa jarad̶e wãaduud̶e Jesús neeped̶a —¡Ãjãa! asii. Maabae wẽrarã ichimaa need̶aped̶a jʉ̃rʉmaa bʉrʉd̶aped̶a ichimaa biꞌia berreasid̶au.

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Lucas 1:65

Joma ãchi de jãkaa panabadauba mau ʉ̃rʉbena ũrisid̶aud̶e Dachi Akõre wapea panuuba joma Judea drua ea id̶aa b̶uud̶e nebʉrʉbachid̶au.

Lucas 1:68

«¡Dachi Mechiu ãrea biꞌia nii, Dachi Akõre Israeld̶ebenarãd̶e, ichi ẽbẽrarã karibayua neesiid̶eeba!

Lucas 19:44

Bichi jeed̶a b̶aebiiduud̶e bichi warrarã joma kenad̶ai. Maarãba mo ab̶a bid̶a ab̶au mo ʉ̃rʉ b̶ud̶aabai. Maka waud̶ai chi karibabarii Dachi Akõreba bʉid̶a bichiba kuitaad̶awẽed̶eeba».

Lucas 2:20

Oeja nubadaurã waya wãaduud̶e ãchiba unuped̶aad̶a kakua maud̶e ũriped̶aad̶a kakua Dachi Akõre ʉ̃rʉbena biꞌia berreasid̶au. Chi angelba jarad̶a kĩra biawãra joma makasii.

Lucas 24:19

Jesusba ãchimaa id̶isii: —¿Kãare ʉ̃rʉbena jara panuma? Ãchiba panausid̶au: —Jesús Nazaret ʉ̃rʉbena jara panuu. Ichiba wausiid̶eeba maud̶e jarasiid̶eeba kuitaabisii ichi Dachi Akõre baita berreabarii. Dachi Akõreba maud̶e puurud̶ebenarãba ichi biꞌia unusid̶au.

Lucas 5:26

Mau unusid̶aud̶e joma pera duanuu kĩra duaneesid̶au. Maud̶eeba Dachi Akõre ãrea biꞌia jarasid̶au. Dachi Akõre wapead̶eeba jarasid̶au: —¡Id̶i biawãra ẽbẽrarãba ne poyaa waud̶akau mechiu unusid̶au!

Lucas 5:8

Simón Pedro maud̶e ichi baara panuu bid̶a b̶eda ãrea jidauped̶aad̶a unusid̶aud̶e kãare kʉ̃risiad̶ai adua basii. Ichi ome panuu Santiago maud̶e Juan basii. Maarã Zebedeo warrarã basii. Maud̶e Simón Jesús daad̶e wãped̶a õdarrd̶e kob̶eeped̶a jarasii: —Mʉ Mechiu, bibuara b̶uu bichi mʉ jãkaabena ãyaa wãi, mʉ kachirua waubariid̶eeba. Jesusba Simonmaa jarasii: —Perarã́se, id̶iid̶eeba bichiba mʉ baita ẽbẽra jidaubarii b̶eei.

Lucas 7:15

Ara makʉd̶e chi biu b̶uad̶a jiraduped̶a berreasii. Maabae Jesusba mau chi nawemaa deasii.

Lucas 7:39

Mau unusiid̶e Jesús iud̶a fariseoba naka kʉ̃risiasii: «Nau ẽbẽra biawãra Dachi Akõre baita berreabarii bad̶a basirã kuitaai basii kachirua waubarii wẽraba jãka wau b̶uu».

Lucas 8:37

Mauba Gerasad̶ebenarã joma wapead̶aped̶a Jesusmaa chi chuburia id̶isid̶au ãchi druad̶ebena ãyaa wãmera. Ara makʉd̶e Jesús waya jãbad̶e atauped̶a Galilead̶aa wãsii.

Lucas 9:19

Ãchiba panausid̶au: —Chi nureeba jara panuu bichi Juan chi Boro Eabarii. Waabenarãba jara panuu bichi Elías. Waabenarãba jara panuu bichi nabẽrarã Dachi Akõre baita berreabarii chokae jiradud̶a.

Juan 1:21

Ãchiba waya id̶isid̶au: —¿Makarã bichi kaima? ¿Bichi Eliaska? Ichiba panausii: —Mʉ Eliaswãema. Ãchiba waya id̶isid̶au: —Bichi ¿Dachi Akõre baita berreabarii chi mechiu neei b̶uad̶aka? Ichiba panausii: —Mʉ mauwãema.

Juan 1:25

Maarãba ichimaa id̶isid̶au: —Bichi Dachi Akõreba Dachi Karibabarii deai jarad̶awãebʉrã, maud̶e Eliaswãebʉrã, maud̶e Dachi Akõre baita berreabarii chi mechiuwãebʉrã, ¿kai trʉ̃d̶eeba bichiba ẽbẽrarã boro eakua b̶uma?

Juan 4:19

Maud̶eeba chi wẽraba jarasii: —Mʉʉmaarã bichi Dachi Akõre baita berreabariibʉ.

Juan 6:14

Chi Jesusba ẽbẽrarãba ne poyaa waud̶akau waud̶a unusid̶aud̶e, ẽbẽrarãba naka jarasid̶au: —Biawãra nau Dachi Akõre baita berreabarii mechiu nii, chi nau iujãad̶aa neei b̶uad̶a.

Juan 9:17

Maka panuud̶e waya chi dau pãriu b̶uad̶amaa id̶isid̶au: —Mau mukĩra, chi bichi dau aribiabid̶a ¿kãare kʉ̃risia b̶uma mau ʉ̃rʉbena? Chi dau pãriu b̶uad̶aba panausii: —Mʉʉmaarã, mau Dachi Akõre baita berreabariibʉ.

Hechos 5:5

Mau ũrisiid̶e Ananías jeed̶a biu b̶aesii. Chi aria duanad̶aba mau unusid̶aud̶e, ãrea perasid̶au.

Hechos 7:37

Ara mau Moisesba israeld̶ebenarãmaa jarasii: “Dachi Akõreba mʉ bʉid̶a kĩra ichi baita berreabarii ab̶a machimaa bʉii. Mau ẽbẽra ara machi puurud̶ebena bai. Mauba jaraaruu ijã́sturu”.

Gálatas 1:24

Maud̶eeba mʉ kakua ãchiba Dachi Akõremaa biꞌia berreasid̶au.