Lucas 7:13 - Emberá Chamí

¹³ Dachi Mechiu Jesusba chi pẽdrãa miichuburi unuped̶a naka jarasii: —Waa jẽarã́se.

Lucas 7:13 Iomraidhean Croise

Marcos 8:2

—Mʉʉba nau ẽbẽrarã kĩra chuburia b̶uu, mʉ baara panuu ewari õbea baaruud̶eeba. Ãchiba kod̶ai baita uru panad̶a wãꞌãesii.

Lucas 10:1

Mau maad̶akare Dachi Mechiu Jesusba ichi baara nibabadaurã maucha june 70 jʉrʉ adausii Dachi Akõre bed̶ea jarad̶e wãd̶amera. Ichi naa omeemea bʉikasii puurucha wãd̶amera ichi wãi kʉ̃risia b̶uumaa.

Lucas 11:1

Earab̶a Jesusba Dachi Akõremaa ʉtaa id̶i b̶uasii. Mau maad̶akare ichi baara nibabarii ab̶auba naka id̶isii: —Dai Mechiu, jaradease daiba ʉtaa id̶id̶ai kuitaad̶amera, Juanba ichi baara nibabadaurãmaa jaradead̶a kĩra.

Lucas 11:39

Maud̶e Dachi Mechiuba ichimaa jarasii: —Machi fariseorãba basu maud̶e paratu chi ʉ̃rʉbena biꞌia jeraabadau, maamina machi sõd̶e ne joma kʉ̃riabadau maud̶e kachirua sid̶a kʉ̃risiabadau.

Lucas 12:42

Jesusba panausii: —Chibari baita bari trajabariiba kʉ̃risia kuitaa b̶uud̶eeba jipa wau b̶uubʉrã, chi de chibariba chi waabenarã chibari baita bari trajabadaurã mau chibari baita bari trajabarii juad̶e b̶ui chi kod̶ai baaruud̶e kobia b̶uamera.

Lucas 13:15

Maud̶eeba Dachi Mechiuba jarasii: —¡Machi setaa ẽbẽra bia nuree abadau! ¿Bari panabadau ewarid̶e machi paka maebʉrã mura enad̶aped̶a bania dod̶e adoed̶akaka?

Lucas 17:5

Maud̶e Dachi Mechiuba bʉid̶arãba ichimaa jarasid̶au: —Dai aid̶ase biꞌia ijãad̶ai baita.

Lucas 17:6

Dachi Mechiuba jarasii: —Mostaza taa kaebeara kĩra machiba b̶istĩika bid̶a ijãa panuubʉrã, cha b̶uu bakurumaa “bichi karr ẽetaped̶a mard̶e b̶uad̶e wãse” aaduud̶e mau bakuruba machi bed̶ea ijãai basii.

Lucas 18:6

Maabae Dachi Mechiu Jesusba jarasii: «Kʉ̃risiásturu chi juez jipawãe niiba jarad̶a.

Lucas 19:8

Ichi ded̶e neesid̶aud̶e Zaqueo Jesús daad̶e akʉ nub̶eeped̶a jarasii: —Mʉ Mechiu, mʉʉba chi nejarra uru b̶uud̶ebena chi nejarr barauwãe nureerãmaa kẽsa dead̶akaaruu. Maud̶e b̶es kimare aude wãyaa dead̶akai mʉʉba setad̶eeba waabenarãmaa aude id̶id̶a bad̶a.

Lucas 22:61

Ara makʉd̶e Dachi Mechiuba Pedromaa akarrnaa ichiasii. Maabae Pedroba kĩrabasii Jesusba ichimaa jarad̶a: «Ara id̶i, eterr birui naed̶e bichiba b̶es õbea mʉ unukau ai».

Lucas 24:3

Chi chob̶ead̶e ed̶a wãaduud̶e chi Mechiu Jesús kakua unud̶aabasii.

Lucas 24:34

Maarãba naka jara panasid̶au: —¡Dachi Mechiu Jesús biawãra chokae jiradusii! Simonmaa ichi unubisii.

Lucas 7:12

Jesús chi puurud̶e ed̶a wãbadau kaita neesiid̶e unusii ẽbẽrarãba kũudrãa biud̶a jau b̶ud̶e adoeduu. Chi nawe pẽdrãa basii. Mauba warr ab̶aburu uru b̶uasii. Chi pẽdrãa baara ẽbẽrarã ãrea duanasid̶au.

Lucas 7:14

Maabae araa wãped̶a chi biud̶a ed̶a adoebadau wausii. Maud̶eeba chi adoeduurã b̶ari topaneesid̶au. Maud̶e Jesusba jarasii: —Kũudrãa, mʉʉba bichimaa jarai, jiraduse.

Lucas 8:52

Maud̶e ẽbẽrarã chi wẽrakau kakua kĩra nomaa jẽa duanasid̶au. Maud̶eeba Jesusba jarasii: —Jẽarã́sturu, nau wẽrakau biuwẽa b̶uu; bari kãi nub̶uu.

Juan 11:3

Maud̶e Lázaro neekaurãba Jesusmaa jarad̶e bʉisid̶au: —Dai Mechiu, bichi kõpaero ãrea ẽpermo b̶uu.

Juan 20:13

Maarãmaa id̶isid̶au: —Wẽra, ¿sakãe jẽa b̶uma? Maabae ichiba panausii: —Mʉ Mechiu Jesús adoesid̶au. Mʉʉba adua b̶uu samaa adoesid̶au.

Juan 20:15

Jesusba ichimaa id̶isii: —Wẽra, ¿sakãe jẽa b̶uma? ¿Kai jʉrʉ b̶uma? Mariaba mau ẽbẽra chi ne uud̶a nubarii basii kʉ̃risiasii. Maud̶eeba jarasii: —Bichiba Jesús kakua ãyaa adoesiibʉrã, mʉʉmaa jarase chi kakua samaa adoesma, mʉʉba jʉrʉd̶e wãi baita.

Juan 4:1

Mau ewarid̶e fariseorãba ũrisid̶au Jesusba Juan audeara ẽbẽrarã ãrea ua b̶uu maud̶e boro eakua b̶uu.

Juan 6:23

Maud̶e jãbarã maucha Tiberias puurud̶ebena topana chesid̶au Dachi Mechiuba Dachi Akõremaa bichíturu kid̶ibai aped̶a ẽbẽrarãmaa pan kobiad̶amaa.

1 Corintios 7:30

Ara mau kĩra chi ãbarã kĩra nomaa nuree kĩra nomaawẽa nuree kĩra nuread̶ai panuu. Chi kĩrajʉʉ nuree kĩrajʉʉwẽa nuree kĩra nuread̶ai panuu. Ne nedod̶aba ichiba nedod̶a ewaricha uru b̶uai kʉ̃risia b̶uabai b̶uu.

1 Tesalonicenses 4:13

Ãbarã, daiba kʉ̃ria panuu machiba Jesusd̶e ijãabadaurã biuped̶aad̶a ʉ̃rʉbena kuitaad̶amera. Maka machi kĩra nomaad̶aabai Dachi Akõred̶e ijãad̶akaurã kĩra nomaabadau kĩra. Ãchi kĩra nomaabadau chi biuped̶aad̶a saka duanad̶ai kuitaad̶awẽed̶eeba.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.