Lucas 6:37 - Emberá Chamí

³⁷ »Ab̶auba kachirua waud̶a ʉ̃rʉbena jararã́sturu, ab̶au bid̶a machiba kachirua wauped̶aad̶a ʉ̃rʉbena jararãamera. Ab̶a nebʉra bara nii arã́sturu, Dachi Akõreba machi nebʉra bara nuree a jararãamera. Machiba waabenarã kachirua wau panuu perdonaaduubʉrã, Dachi Akõreba machi kachirua wau panuu perdonai.

Lucas 6:37 Iomraidhean Croise

Mateo 18:30

Maamina kĩra chuburiabasii, maumaarã jʉ̃abadau ded̶e jʉ̃abisii ab̶a ichiba deai b̶uad̶a joma dearuud̶aa.

Mateo 5:7

Biꞌia panuu chi waabenarã kĩra chuburiabadau, Dachi Akõreba machi kĩra chuburiaid̶eeba.

Marcos 11:25

Maud̶e machiba Dachi Akõremaa ʉtaa id̶i panuud̶e barikia ẽbẽra ome kĩra kachirua panuubʉrã, mau ẽbẽraba kachirua waud̶a perdonásturu. Makaaruubʉrã machiba kachirua wauped̶aad̶a machi Bajãad̶ebena Akõreba perdonai.

Lucas 23:16

Pebiped̶a maabae ida bʉi.

Lucas 6:36

Ara mau kĩra machiba kĩra chuburia panásturu machi Akõre bajãad̶e b̶uuba kĩra chuburiabarii kĩra.

Hechos 3:13

Dachi Akõre dachi nabẽraed̶ebena Abraham ome, Isaac ome maud̶e Jacob baara b̶uad̶aba ichi baita bari trajabarii Jesús chi Mechiu b̶usii. Ara mau Jesús machiba Pilatomaa jidau deasid̶au beamera. Pilatoba mau karibai kʉ̃ria b̶uasmina machiba ichi daad̶e mau kʉ̃riad̶awẽe asid̶au.

Efesios 4:32

Sõbiad̶eeba nureásturu. Kĩra chuburia baraa nureásturu. Chi machiba kachirua wauped̶aad̶a kʉde uru b̶ee ida b̶ústuru, Dachi Akõreba machi kachirua Cristod̶eeba ida b̶ud̶a kĩra.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

Santiago 2:13

Chi waabenarã kĩra chuburiakau Dachi Akõreba ichiaruud̶e kĩra chuburiabai. Maud̶e chi waabenarã kĩra chuburiabadau biꞌia nuread̶ai.

Santiago 5:9

Ãbarã, waabena ʉ̃rʉbena kachirua jararã́sturu, Jesucristoba machi ichiarãamera. Jesucristo dachi nebʉra ichiabarii kãꞌãabariwãed̶e neei.