Lucas 6:25 - Emberá Chamí

²⁵ Machi miichuburi panad̶ai chi ãrea jãwaa duanuurã, maad̶aare jarrbisia panad̶aid̶eeba. Machi miichuburi panad̶ai chi ʉ̃raud̶e ʉi duanuurã maad̶aare kĩra nomaaba jẽa panad̶aid̶eeba.

Lucas 6:25 Iomraidhean Croise

Lucas 12:20

Maamina Dachi Akõreba ichimaa jarasii: “¡Bichi kʉ̃risia adua nii! Biawãra nau ẽsabud̶e bichi biui. Maabae bichiba pe nub̶ud̶a uru b̶uu ¿kai baita b̶eeima?”

Lucas 13:28

»Machi chi awara duanuu kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai. Abraham, Isaac, Jacob maud̶e Dachi Akõre baita berreabadaurã Dachi Akõreba ichid̶irã ichi juad̶e ua b̶uud̶e panad̶ai, maamina machi Dachi Akõreba ida wãbiabai.

Lucas 6:24

“Maamina miichuburi panad̶ai machi chi nejarra ãrea bara nuree; nau ewarid̶éburu kĩrajʉʉ panad̶ai b̶uud̶eeba.

Lucas 6:26

Machi miichuburi panad̶ai ẽbẽrarãba machi ʉ̃rʉbena biꞌia jaraaduubʉrã. Machi nabẽraed̶ebenarãba ẽbẽrarã Dachi Akõre trʉ̃d̶eeba setaa jaradea nuree ʉ̃rʉbena maka biꞌia jarabachid̶au”.

Lucas 8:53

Maud̶eeba ẽbẽrarãba Jesusmaa ichiad̶aped̶a ʉisid̶au, chi wẽrakau biawãra biusii kuitaa panuud̶eeba.

Efesios 5:4

Bed̶ea kachirua, nebʉrʉ biꞌiwãe maud̶e bed̶ea miadaa mia ʉibi berrearã́sturu, maka berreai biꞌiwãe b̶uud̶eeba. Maumaarã Dachi Akõremaa biꞌia b̶uu áduru.

1 Tesalonicenses 5:3

Ẽbẽrarãba naka jara panad̶ai: «Joma jirukaraayuwãe panuu, perad̶awẽa panuu». Maka panuud̶e maarã joma baribai ewari neei wẽra warr bara nii barikiu ewarid̶e pirabari kĩra. Maud̶e maarã mirud̶aabai.

Santiago 4:9

Machiba kachirua wauped̶aad̶a kakua kĩra nomaa panásturu, jẽásturu, biuchaa jẽásturu. Waa kĩrajʉʉ ʉirã́sturu, maumaarã machiba kachirua wauped̶aad̶a kakua ãrea jirukaraa panásturu.

Apocalipsis 3:17

Machiba chi nejarr barau nuree a panuu, ne joma uru panuu a duanuu, maud̶e ne ab̶a bid̶a wãꞌãe nistad̶ai baita a duanuu. Maamina adua panuu machi miichuburi duanuu, kachirua duanuu, ne ab̶a bid̶a uru panuuwãe, dau pãriu duanuu maud̶e ãkad̶aa duanuu.