Lucas 5:34 - Emberá Chamí

³⁴ Jesusba ãchimaa jarasii: —Mukĩra miakãibadau kĩrajʉʉ ewari wau b̶uud̶e ¿ichiba iud̶arãmaa chiko kod̶akau ewari waubiaika?

Lucas 5:34 Iomraidhean Croise

Mateo 22:2

«Bajãad̶e B̶uuba ichid̶irã ichi juad̶e ua b̶uu nau kĩra b̶uu: Rey ab̶a b̶uasii. Ichi warr miakãid̶ai kĩrajʉʉ bara b̶uabarii ewari waui kʉ̃risia b̶uasii.

Mateo 9:15

Jesusba ãchimaa jarasii: —Mukĩra kãibadau kĩrajʉʉ ewari wau b̶uud̶e ¿kai kĩra nomaa b̶uaima? Mau mukĩra wabid̶a ichiba iukuad̶a ome b̶uumisa kĩrajʉʉ panad̶ai. Maamina ewari ab̶ad̶e waabena ẽbẽrarãba ichi ãyaa adoed̶ai. Maabáeburu ichiba iud̶arãba chiko kod̶akau ewari waud̶ai.

Lucas 5:33

Waabenarãba Jesusmaa jarasid̶au: —Juan chi Boro Eabarii baara nibabadaurãba Dachi Akõremaa ʉtaa id̶iiduud̶e ãrea chiko kod̶akau ewari waubadau. Ara mau kĩra fariseorã baara nibabadaurã bid̶a waubadau. Maamina bichi baara nibabadaurãba ¿sakãe maka waud̶akama?

Lucas 5:35

Maamina ewari ab̶ad̶e waabena ẽbẽrarãba ichi ãyaa adoed̶ai. Mau ewarid̶éburu ichiba iud̶arãba chiko kod̶akau ewari waud̶ai.

Juan 3:29

Miakãiduud̶e chi wẽra adauruu chi aude mechiu nii. Maamina ichi kõpaero ichi jãkaa b̶uu kĩrajʉʉ b̶uu, ichi berrearuu ũri b̶uud̶eeba. Ara mau kĩra mʉ kĩrajʉʉ b̶uu ichi nama b̶uud̶eeba.

2 Corintios 11:2

Dachi Akõreba nubia b̶uu kĩra mʉʉba machi ãrea nu kʉ̃ria b̶uu. Ẽbẽraba ichi kau kima dearuu kĩra mʉʉba machi Cristomaa dea kʉ̃ria b̶uu ara ichid̶irã nuread̶amera. Mʉʉba kʉ̃ria b̶uu machi ichi baita ãrea biꞌia nuread̶ai ãwera mukĩra adua b̶uu kĩra.