Lucas 5:26 - Emberá Chamí

²⁶ Mau unusid̶aud̶e joma pera duanuu kĩra duaneesid̶au. Maud̶eeba Dachi Akõre ãrea biꞌia jarasid̶au. Dachi Akõre wapead̶eeba jarasid̶au: —¡Id̶i biawãra ẽbẽrarãba ne poyaa waud̶akau mechiu unusid̶au!

Lucas 5:26 Iomraidhean Croise

Mateo 12:23

Jomaurãba kãare kʉ̃risiad̶ai adua basiid̶eeba id̶isid̶au: —¿Nau Davidd̶ebena neei b̶uuwãeka?

Mateo 28:8

Ara makʉd̶e wẽrarã Jesús jau b̶uped̶aad̶a chob̶ead̶ebena pira wãsid̶au. Wapea panumina ãrea kĩrajʉʉ pira wãsid̶au. Jesús baara nibabadaurãmaa jarad̶e wãaduud̶e Jesús neeped̶a —¡Ãjãa! asii. Maabae wẽrarã ichimaa need̶aped̶a jʉ̃rʉmaa bʉrʉd̶aped̶a ichimaa biꞌia berreasid̶au.

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Marcos 2:12

Ara makʉd̶e chi b̶akara bʉʉ b̶uad̶a jiraduped̶a ichi jira adoebadau adauped̶a jomaurã daad̶e wãsii. Maud̶eeba jomaurãba kuitaa kʉ̃risiad̶aabasii maud̶e Dachi Akõremaa biꞌia berrea duaneesid̶au. Naka jarasid̶au: —¡Nau kĩra dachiba unud̶aka basii!

Lucas 1:65

Joma ãchi de jãkaa panabadauba mau ʉ̃rʉbena ũrisid̶aud̶e Dachi Akõre wapea panuuba joma Judea drua ea id̶aa b̶uud̶e nebʉrʉbachid̶au.

Lucas 5:8

Simón Pedro maud̶e ichi baara panuu bid̶a b̶eda ãrea jidauped̶aad̶a unusid̶aud̶e kãare kʉ̃risiad̶ai adua basii. Ichi ome panuu Santiago maud̶e Juan basii. Maarã Zebedeo warrarã basii. Maud̶e Simón Jesús daad̶e wãped̶a õdarrd̶e kob̶eeped̶a jarasii: —Mʉ Mechiu, bibuara b̶uu bichi mʉ jãkaabena ãyaa wãi, mʉ kachirua waubariid̶eeba. Jesusba Simonmaa jarasii: —Perarã́se, id̶iid̶eeba bichiba mʉ baita ẽbẽra jidaubarii b̶eei.

Lucas 7:16

Maud̶eeba chi aria panuu ãrea perasid̶au. Jomaurãba Dachi Akõre baita nau biꞌia jarasid̶au: —Biawãra Dachi Akõre baita berreabarii chi mechiu dachi tãed̶e neesii. Dachi Akõre ichi puuru karibad̶e nee b̶uu.

Lucas 8:37

Mauba Gerasad̶ebenarã joma wapead̶aped̶a Jesusmaa chi chuburia id̶isid̶au ãchi druad̶ebena ãyaa wãmera. Ara makʉd̶e Jesús waya jãbad̶e atauped̶a Galilead̶aa wãsii.

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Gálatas 1:24

Maud̶eeba mʉ kakua ãchiba Dachi Akõremaa biꞌia berreasid̶au.