Lucas 5:24 - Emberá Chamí

²⁴ Dachi Akõreba mʉ, chi Ẽbẽra Ba B̶uad̶a b̶usii nau iujãad̶e panuuba kachirua waubadau perdonabiamera. Mau machimaa unubiai. Ara makʉd̶e chi b̶akara bʉʉ niimaa naka jarasii: —Jiraduse. Chi bichi jira adoebadau adauped̶a deed̶aa wãse.

Lucas 5:24 Iomraidhean Croise

Mateo 16:13

Mau maad̶akare Jesús ichi baara nibabadaurã baara Cesarea-Filipod̶e neesid̶au. Maud̶e Jesusba ãchimaa id̶isii: —Mʉ, chi Ẽbẽra Ba B̶uad̶a Ẽbẽrarãba mʉ ¿kai kʉ̃risia panuma?

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Mateo 9:6

Dachi Akõreba mʉ, chi Ẽbẽra Ba B̶uad̶a b̶usii nau druad̶e panuuba kachirua waubadau perdonabiamera. Mau machimaa unubiai. Ara makʉd̶e chi b̶akara bʉʉ niimaa naka jarasii: —Jiraduse. Chi bichi jira adoebadau adauped̶a deed̶aa wãse.

Lucas 5:13

Maud̶e Jesusba chi ẽbẽra ʉ̃rʉ jua kub̶uuruud̶e jarasii: —Maka wau kʉ̃ria b̶uu. ¡Aribiáse! Ara makʉd̶e chi kakua chau nibad̶a wãꞌãesii.

Lucas 5:18

Maka b̶uud̶e waabenarãba ẽbẽra b̶akara bʉʉ nii ichi jira adoebadaud̶e adoed̶aped̶a ed̶a adoe kʉ̃ria panasid̶au Jesús daad̶e b̶ud̶ai baita.

Lucas 5:23

Machimaarã, ¿sãu bed̶ea aude chaarea b̶uma jarai baita: “Bichi kachirua waud̶a perdonasii” ai maebʉrã “Nau ẽbẽra b̶akara bʉʉ nii jiradubiped̶a nibabii”?

Lucas 7:14

Maabae araa wãped̶a chi biud̶a ed̶a adoebadau wausii. Maud̶eeba chi adoeduurã b̶ari topaneesid̶au. Maud̶e Jesusba jarasii: —Kũudrãa, mʉʉba bichimaa jarai, jiraduse.

Lucas 8:54

Maamina Jesusba chi wẽrakau juad̶e jidauped̶a jarasii: —¡Wẽrakau, jiraduse!

Juan 11:43

Maka jaraped̶a Jesusba jĩwa jarasii: —¡Lázaro, awara neese!

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

Juan 3:13

»Ab̶a bid̶a bajãad̶aa wãkau mau kuitaai baita. Ab̶aburu mʉ́turu, chi Ẽbẽra Ba B̶uad̶aba mau kuitaa b̶uu, bajãad̶ebena need̶ad̶eeba.

Juan 5:27

Mau awara mʉ b̶usii jomaurã ichiamera, mʉ chi Ẽbẽra Ba B̶uad̶a niid̶eeba.

Hechos 14:10

Maud̶eeba Pabloba ichimaa jĩwa jarasii: —¡Jiraduse! ¡Jipa akʉ nub̶eese! Ara makʉd̶e ichi jĩidruped̶a nibad̶e wãsii.

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

Hechos 9:34

Maud̶e Pedroba jarasii: —Eneas, Jesucristoba bichi aribiabisii. ¡Jiraduse! Bichi kʉd̶a tõse. Ara makʉd̶e Eneas jiradusii.

Hechos 9:40

Maud̶e Pedroba joma awara wãbiasii. Õdarrd̶e kob̶eeped̶a Dachi Akõremaa ʉtaa id̶isii Dorcas chokae jiradubimera. Ʉtaa id̶iped̶a chi biud̶a nub̶uumaa ichiaruud̶e jarasii: —Tabita, ¡jiraduse! Ara makʉd̶e mau chi dau bũasii. Pedro unusiid̶e akʉ b̶eesii.

Apocalipsis 1:13

Mau 7 ʉ̃d̶aa koabarii ẽsa, chi Ẽbẽra Ba B̶uad̶a kĩra nii unusii. Paru jʉ̃rʉd̶eed̶e deseroa jʉ̃ b̶uasii. Ichi pechud̶e nee waud̶a paraa jʉ̃ b̶uasii.