Lucas 5:17 - Emberá Chamí

¹⁷ Earab̶a Jesusba jaradea b̶uud̶e fariseorã maud̶e Moisesba b̶ʉd̶a jaradeabadaurã aria sĩu panasid̶au. Ãchi Galilea druad̶ebena, Judea druad̶ebena maud̶e Jerusalén puurud̶ebena neeped̶aad̶a basii. Maud̶e Dachi Mechiu poyaad̶eeba Jesusba ẽpermo nuree aribiabiabachii.

Lucas 5:17 Iomraidhean Croise

Mateo 11:5

Dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Mateo 15:1

Mau maad̶akare waabenarã fariseorã maud̶e Moisesba b̶ʉd̶a jaradeabadaurã Jerusalén puurud̶ebena Jesusmaa need̶aped̶a id̶isid̶au:

Marcos 1:45

Maamina chi ẽbẽraba Jesusba ichi aribiabid̶a ʉ̃rʉbena jomaurãmaa nebʉrʉd̶e wãsii. Maud̶eeba Jesús ab̶a puurud̶e bid̶a wãabai b̶uasii. Maumaarã awara nibabachii ẽbẽrarã wãꞌãemare. Maamina ẽbẽrarã puuruchad̶ebena ichimaa wãbachid̶au.

Marcos 16:18

Ãchi juaba dama jidaud̶ai. Nearãa dooduubʉrã mauba kachirua waubai. Maud̶e chi ẽpermo nuree ʉ̃rʉ ãchi jua kub̶uuduud̶e aribiabiad̶ai».

Marcos 3:22

Maamina Moisesba b̶ʉd̶a jaradeabadaurã Jerusalén puurud̶ebena neeped̶aad̶aba jarasid̶au: —Jãu Jesús jãka b̶uu, jai kachiruarã karr Beelzebuba wara b̶uud̶eeba. Ichiba jai kachirua duabʉibarii Beelzebuba mau poyaabarii deasiid̶eeba.

Marcos 5:30

Maamina Jesusba kuitaasii ichi poyaad̶eeba ab̶a aribiasii. Maud̶eeba waya ichiaped̶a id̶isii: —¿Kaiba mʉ paru wausma?

Marcos 7:1

Ewari ab̶a fariseorã, Moisesba b̶ʉd̶a jaradeabadaurã maud̶e Jerusalén puurud̶ebena Jesusmaa neesid̶au.

Lucas 15:2

Maud̶eeba fariseorãba, Moisesba b̶ʉd̶a jaradeabadaurã bid̶a ichi naka kachirua jarasid̶au: «Ichiba kachirua waubadaurã biꞌia irsibiped̶a maarã ome kobarii».

Lucas 2:46

Ewari õbea baaruud̶e ichi unusid̶au Dachi Akõre de mechiu dud̶a Moisesba b̶ʉd̶a jaradeabadaurã tãed̶e akʉ b̶uu. Ãchiba jaradea panuu ũri b̶uasii maud̶e maarãmaa ne id̶imaa b̶uasii.

Lucas 5:21

Mau ũrisid̶aud̶e aria panuu fariseorãba maud̶e Moisesba b̶ʉd̶a jaradeabadaurãba naka jarasid̶au: «Jãu ¿kai kʉ̃risia b̶uma? ¿Sakãe maka Dachi Akõre daad̶e kachirua berrea b̶uma? Ab̶a Dachi Akõréburu ẽbẽraba kachirua waud̶a poyaa perdonabarii».

Lucas 5:30

Mau unusid̶aud̶e Moisesba b̶ʉd̶a jaradeabadaurãba maud̶e fariseorã Jesús baara nibabadaurãmaa naka kachirua jarasid̶au: —¿Sakãe chi nejarra pebadaurã baara maud̶e waabenarã kachirua waubadaurã baara ãbua komaa panuma?

Lucas 6:19

Joma chi ẽpermo nureerãba ichi wau kʉ̃ria panasid̶au Dachi Akõre poyaad̶eeba aribiabii b̶uud̶eeba.

Lucas 7:30

Maamina fariseorãba, Moisesba b̶ʉd̶a jaradeabadaurã bid̶a Dachi Akõreba ãchi baita wau kʉ̃ria b̶uad̶a ida b̶usid̶au. Maud̶eeba Juanba ãchi boro eabasii.

Lucas 8:46

Maamina Jesusba jarasii: —Ab̶auba mʉ wausii. Mʉʉba kuitaa b̶uu mʉ poyaad̶eeba mau aribiabisii.

Juan 3:10

Jesusba panausii: —Bichi Israeld̶ebenarãmaa Dachi Akõre bed̶ea jaradeabarii mechiumina ¿mau adua b̶uka?

Juan 3:21

Maamina joma chi biawãra waubadaurã ʉ̃d̶aad̶aa neebadau ãchiba Dachi Akõreba kʉ̃ria b̶uu kĩra waubadau jomaurãba kuitaad̶amera.

Hechos 19:11

Dachi Akõreba ãrea ẽbẽrarãba ne poyaa waud̶akau mechiu Pablod̶eeba waubachii.

Hechos 4:30

Bichi poyaabarii sid̶a dease chi ẽpermo nuree aribiabiad̶ai baita maud̶e bichi baita bari trajabarii jipa nii Jesús trʉ̃d̶eeba ẽbẽrarãba ne poyaa waud̶akau waud̶ai baita».

Hechos 5:34

Aria fariseo Gamaliel abadau b̶uasii. Mau Gamaliel judiorã Moisesba b̶ʉd̶a jaradeabarii chi mechiu basii. Jomaurãba ichi ãrea wapea panasid̶au. Gamaliel jiraduped̶a Jesusba bʉid̶arã awara wãbiad̶ausii.