Lucas 5:16 - Emberá Chamí

¹⁶ Maamina Jesús b̶esed̶e ẽbẽra wãꞌãemaa wãbachii Dachi Akõremaa berreai baita.

Lucas 5:16 Iomraidhean Croise

Mateo 14:23

Jomaurã wãbiaped̶a ichi du ab̶a ead̶aa Dachi Akõremaa ʉtaa id̶id̶e wãsii. Kiusiid̶e ichi du ab̶a b̶uasii.

Marcos 6:46

Joma wãbiaped̶a ead̶aa Dachi Akõremaa ʉtaa id̶id̶e wãsii.

Lucas 3:21

Juanba ẽbẽrarã boro eakua b̶uasiid̶e Jesús sid̶a boro easii. Maud̶e Jesusba Dachi Akõremaa berrearuud̶e bajãa ewasii.

Lucas 6:12

Earab̶a Jesús ead̶aa wãsii. Aria Dachi Akõremaa ʉtaa id̶i b̶uu ewarisii.

Lucas 9:28

Maka jarasiid̶e 8 ewari bad̶akare Jesús Dachi Akõremaa ʉtaa id̶id̶e wãsii ea ʉtʉ nub̶uud̶aa. Pedro, Juan maud̶e Santiago adoesii.

Lucas 9:29

Aria Jesusba Dachi Akõremaa ʉtaa id̶imaa b̶uud̶e ichi kĩra awara did̶isii. Ichi paru sid̶a ʉ̃d̶aa torroa did̶isii.

Juan 6:15

Maamina Jesusba kuitaasii ẽbẽrarãba ichi rey babid̶ai kʉ̃ria panuu. Maud̶eeba waya ichi du ab̶a ead̶e ʉtaa wãsii.