Lucas 5:15 - Emberá Chamí

¹⁵ Maamina Jesús aude trʉ̃ poasii. Maud̶eeba ẽbẽrarã ãrea neebachid̶au ichiba jaradea b̶uu ũrid̶ai baita. Chi ẽpermo nuree neebachid̶au ichiba aribiabiamera.

Lucas 5:15 Iomraidhean Croise

Mateo 9:26

Jesusba waud̶a ʉ̃rʉbena joma mau druad̶e ũrisid̶au.

Mateo 9:31

Maamina arabena wãaduud̶e Jesusba ãchi ome waud̶a mau druad̶e jarad̶e wãsid̶au.

Marcos 1:28

Maud̶eeba joma Galilea druad̶e kãꞌãabariwãed̶e Jesús trʉ̃ poa kob̶eesii.

Marcos 1:45

Maamina chi ẽbẽraba Jesusba ichi aribiabid̶a ʉ̃rʉbena jomaurãmaa nebʉrʉd̶e wãsii. Maud̶eeba Jesús ab̶a puurud̶e bid̶a wãabai b̶uasii. Maumaarã awara nibabachii ẽbẽrarã wãꞌãemare. Maamina ẽbẽrarã puuruchad̶ebena ichimaa wãbachid̶au.

Marcos 3:7

Maabae Jesús ichi baara nibabadaurã ome Galilea mard̶aa wãsid̶aud̶e, aria Galilea druad̶ebenarã ãrea ichi baara nibasid̶au.

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

Lucas 14:25

Ẽbẽrarã Jesús kaad̶e ãrea nibabachid̶au. Maud̶eeba Jesusba ãchimaa ichiaped̶a naka jarasii:

Juan 6:2

Jesusba ẽbẽrarãba ne poyaa waud̶akau wau b̶uud̶eeba ẽpermo nuree aribiabiabachii. Ẽbẽrarã ãreaba mau unu panasiid̶eeba ichi baara ãrea wãsid̶au.

1 Timoteo 5:25

Ara mau kĩra waabenarãba biꞌia wau panuu dachiba biꞌia unubadau, maud̶e waabenarãba biꞌia wau panuu biꞌia unud̶akamina miru b̶eebai.