Lucas 5:14 - Emberá Chamí

¹⁴ Maud̶e Jesusba ichimaa jarasii: —Bichi aribiad̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Dachi Akõre daad̶e biꞌia b̶eei baita Moisesba jarad̶a kĩra ne kaebea dease. Maka ẽbẽrarãba kuitaad̶ai bichi chi kakua biawãra anid̶a.

Lucas 5:14 Iomraidhean Croise

Mateo 10:18

Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai. Maud̶e machiba ãchi daad̶e maud̶e judiowãerã daad̶e mʉ ʉ̃rʉbena berread̶ai.

Mateo 12:16

Ichiba ãchimaa bed̶ea chaarea jarasii ichi ʉ̃rʉbena nebʉrʉrãad̶amera.

Mateo 8:4

Jesusba ichimaa jarasii: —Bichi chi kakua anid̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Moisesba jarad̶a kĩra ne kaebea dease. Maka ẽbẽrarãba kuitaad̶ai bichi biawãra aribiad̶a.

Mateo 9:30

Ara makʉd̶e unu kopaneesid̶au. Maabae Jesusba kĩrud̶eeba jarasii mau ʉ̃rʉbena ab̶aumaa bid̶a nebʉrʉrãad̶amera.

Marcos 6:11

Maamina ẽbẽrarãba machi biꞌia irsibid̶aabʉrã, maud̶e machiba jaradeaduu ũrid̶ai kʉ̃riad̶aabʉrã, arabena wã́sturu. Wãaduud̶e, chi jʉ̃rʉd̶ebena ioro jora neapésturu, Dachi Akõreba mau kʉ̃riawẽa b̶uu unubiad̶ai baita. Mauba kuitaabiai ãchiba Dachi Akõre ida b̶u panuu kakua ichiba kastikai.

Lucas 17:14

Jesusba maarã unusiid̶e naka jarasii: —Paarerãmaa wã́sturu machi chi kakua aniped̶aad̶a ichiad̶amera. Ara makʉd̶e maarã wãsid̶au. Wãaduu nid̶aud̶e anikuasid̶au.

Lucas 5:13

Maud̶e Jesusba chi ẽbẽra ʉ̃rʉ jua kub̶uuruud̶e jarasii: —Maka wau kʉ̃ria b̶uu. ¡Aribiáse! Ara makʉd̶e chi kakua chau nibad̶a wãꞌãesii.

Lucas 9:5

Maamina puurud̶ebenarãba machi biꞌia irsibid̶awẽebʉrã mamabena wã́sturu. Wãaduud̶e ioro jora machi jʉ̃rʉd̶ebena neapésturu. Mauba kuitaabiai ãchiba Dachi Akõre ida b̶u panuu kakua ichiba kastikai.