Lucas 5:1 - Emberá Chamí

¹ Earab̶a Jesús mar Genesaret abadau iikaa b̶uasii. Maud̶e ẽbẽrarã ãrea ichimaa araa imisid̶au Dachi Akõre bed̶ea ũrid̶ai baita.

Lucas 5:1 Iomraidhean Croise

Mateo 11:12

Juan chi Boro Eabariiba jaradead̶ad̶eed̶ebena id̶iid̶aa Bajãad̶e B̶uuba ichid̶irã ichi juad̶e ua b̶uu, maarã ãrea biꞌiwãe panuu. Ẽbẽrarã kachiruarãba ãchi kachirua ãrea wau kʉ̃ria panuu.

Mateo 14:34

Kĩare basid̶aud̶e, Genesaret druad̶e neesid̶au.

Marcos 3:9

Ichiba ẽpermo nuree aribiabiad̶ad̶eeba ẽbẽrarãba ichi waud̶ayua pĩchua imisid̶au. Ichi pĩchua uru panarãad̶amera Jesusba ichi baara nibabadaurãmaa jarasii jãba adoed̶amera.

Marcos 4:1

Waya Jesusba Dachi Akõre bed̶ea mar iikaa jaradea kob̶eesii. Maud̶e ẽbẽrarã ãrea ichimaa pĩchuka kob̶eesii. Maud̶eeba Jesús jãba mard̶e nub̶uud̶e ed̶a wãped̶a maabae akʉ b̶eesii. Ẽbẽrarã ibud̶e mar iikaa duaneesid̶au.

Marcos 5:24

Ara makʉd̶e Jesús Jairo baara wãsiid̶e ẽbẽrarã ãrea ãchi kaad̶e wãsid̶au. Ãread̶eeba ichi pĩchuka uru panasid̶au.

Marcos 6:53

Kĩare basid̶aud̶e, Genesaret druad̶e neesid̶au. Aria chi jãba jʉ̃ nub̶usid̶au mar iikaa.

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

Lucas 5:2

Aria mar iikaa jãba ome topanasid̶au. Mau jãba chibarirã jãbad̶ebena ibud̶e wãd̶aped̶a ãchi ãtarraya jeraamaa panasid̶au.

Lucas 8:22

Earab̶a Jesusba ichi baara nibabadaurãmaa naka jarasii: —Mar kĩaraa wãd̶a. Ara makʉd̶e jãbad̶e ataud̶aped̶a wãsid̶au.

Lucas 8:23

Wãaduud̶e Jesús kãi nub̶eesii. Maka b̶uud̶e pũatu ãrea pũa kob̶eesii. Maud̶eeba chi jãba taawãmaa b̶uasii. Ãibamaa panasid̶au.

Lucas 8:33

Ara makʉd̶e chi jai kachiruarã chi mukĩra kakuad̶ebena wãd̶aped̶a sina kakuad̶e ed̶a wãsid̶au. Maabae chi sina pira wãurid̶aped̶a eakarrd̶ebena doed̶aa jĩichoad̶aped̶a ʉ̃yaba jãri kinisid̶au.

Lucas 8:45

Maud̶e Jesusba id̶isii: —¿Kaiba mʉ wausma? Jomaurãba panausid̶au waud̶awẽa panuma. Maud̶eeba Pedroba jarasii: —Jaradeabarii, ẽbẽrarãba bichi pĩchua uru panuu. ¿Sakãe bichiba id̶i b̶uma kaiba bichi wausii?

Juan 1:40

Juanba jarad̶a ũrid̶aped̶a Jesús baara wãped̶aad̶a ome panasid̶au. Ab̶a Simón Pedro ãba Andrés basii.

Juan 6:1

Mau maad̶akare Jesús Galilea mar kĩaraa wãsii. Mau mar maud̶e Tiberias abadau.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.