Lucas 4:6 - Emberá Chamí

⁶ Maud̶e chi jʉbawãe niiba jarasii: —Nau druad̶e b̶ee puuru maud̶e mau puurud̶e ne kaebea bia b̶ee joma bichi juad̶e b̶ui. Mʉʉd̶ed̶eeba chi mʉʉba dea kʉ̃riaruumaa deai b̶uu.

Lucas 4:6 Iomraidhean Croise

Lucas 4:7

Mʉ daad̶e õdarrd̶e kob̶eeped̶a mʉʉmaa biꞌia berrea b̶eeruubʉrã mʉʉba joma deai.

Juan 12:31

Jãabae Dachi Akõreba kuitaabiaruu nau iujãad̶ebenarãba kachirua wau panabadau. Jãabae Dachi Akõreba poyaa duabʉiruu chi nau iujãad̶ebenarã rey, chi jʉbawãe nii.

Juan 14:30

»Mʉ machi baara ãrea berreawẽe, nau iujãad̶ebena rey neeruud̶eeba. Mauba mʉ ome poyaakau.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

2 Corintios 11:14

Jãarã ʉ̃rʉbena machiba kauwa kʉ̃risiad̶ai adua panuuwãema. Satanás sid̶a ángel ʉ̃d̶aad̶ebena kĩra neebarii.

Efesios 2:2

Maka nibasid̶au nau iujãad̶ebena kʉ̃risia ijãa panasiid̶eeba maud̶e jai kachiruarã chi aude mechiu nii ijãa panasiid̶eeba. Id̶ibae ichiba chi Dachi Akõre bed̶ea ijãad̶akaurã ichi juad̶e ua b̶uu.

1 Pedro 1:24

Dachi Akõre bed̶ead̶e naka b̶ʉ kub̶uu: «Jomaurã sirua kĩra nureebʉ. Ãchi mipitaa nepono kĩra nuree. Sirua poaped̶a chi nepono b̶aebarii.

1 Juan 5:19

Dachiba kuitaa panuu dachi Dachi Akõred̶e. Maud̶e kuitaa panuu joma nau iujãad̶e Dachi Akõred̶e ijãad̶akaurã jʉbawãe nii juad̶e duanuu.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 13:2

Chi mau ãnimara mʉʉba unud̶a imama kĩra pã nibasii. Ichi jʉ̃rʉ ui jʉ̃rʉ kĩra nibasii. Chi okarr león okarr kĩra nibasii. Dragonba mau ãnimaramaa chi poyaabarii deasii. Maud̶e ichi rey ãkaud̶e akʉ b̶eebisii chi nau iujãad̶e panuurã joma ichi juad̶e duanamera.

Apocalipsis 13:7

Maud̶e Dachi Akõreba mau ãnimaramaa ara ichi ẽbẽrarã ome chĩobii ida kabisii maarã poyaamera. Ẽbẽrarã didiwaraa joma, puuru joma, bed̶ea didiwaraa joma maud̶e chi druarã joma ichi juad̶e ua b̶uabisii.