Lucas 4:35 - Emberá Chamí

³⁵ Maud̶eeba Jesusba ichimaa naka jarasii: —Chũpea b̶uase. Jãu mukĩra kakuad̶ebena awara wãse. Ara makʉd̶e chi jai kachiruaba ẽbẽrarã tãed̶e b̶aebiped̶a awara wãsii, mau ẽbẽra puꞌuabiwẽa.

Lucas 4:35 Iomraidhean Croise

Mateo 17:18

Jesusba chi jai kachirua iadaasiid̶e chi warr kakuad̶ebena wãsii. Ara makʉd̶e chi warr aribiasii.

Mateo 8:26

Jesusba panausii: —¿Sakãe wapea panuma? ¡Machi biꞌia ijãad̶awẽa panuu! Jaraped̶a, maabae chi pũatu iadaasii maud̶e mar ʉ̃rapemaa. Ara makʉd̶e chi mar joma apii nub̶eesii.

Marcos 1:26

Ara makʉd̶e chi jai kachiruaba chi mukĩra wawabiped̶a, ãrea b̶iaped̶a awara wãsii.

Marcos 4:39

Maabae Jesús jiraduped̶a pũatu maud̶e do ʉ̃rapemaa iadaasii: —¡Chũpease! ¡Apiise! Ara makʉd̶e pũatuwẽa did̶isii. Joma apii nub̶eesii.

Marcos 9:26

Ara makʉd̶e chi jai kachirua b̶iaped̶a waya chi warr ãrea wawabisii. Maabae ichi kakuad̶ebena wãsii maamina chi warr biud̶a kĩra b̶aesii. Maud̶eeba chi aria panuuba jarasid̶au: —¡Ay, jãu warr biusii!

Lucas 11:22

Maamina ichi audeara ẽbẽra chi aude chaarea b̶uu neeped̶a ichi ome poyaaruubʉrã, ichi neko juakaa adaui. Maabae joma ichiba uru b̶uad̶a juakaa adauped̶a chi kõpaerorãmaa dead̶akai.

Lucas 4:23

Jesusba jarasii: —Machiba nau bed̶ea mʉʉmaa jarad̶ai: “Ʉrrmid̶ia deabarii, bichi du ab̶a aribiáse. Bichiba Capernaumd̶e waud̶a daiba ũrisid̶au. Nama bichi puurud̶e bid̶a arab̶aud̶e wause”.

Lucas 4:39

Jesusba ed̶aa ichiaped̶a chi kʉamia iadaasiid̶e chi kʉamia duusii. Ara makʉd̶e mau wẽra jiraduped̶a chiko dead̶akasii.

Lucas 4:41

Maud̶e jai kachiruarã joma duabʉikasii. Wãaduud̶e naka b̶ia jarasid̶au: «¡Bichi biawãra Dachi Akõre warrbʉ!» Ãchiba kuitaa panasid̶au ichi Dachi Akõreba Dachi Karibabarii deai jarad̶a. Maud̶eeba Jesusba ãchi iadaabachii chũpead̶amera.

Lucas 8:24

Maud̶eeba Jesús ʉ̃rʉmad̶aped̶a naka jarasid̶au: —¡Jaradeabarii, Jaradeabarii, dachi taawãmaa panuu! Jesús jiraduped̶a pũatu maud̶e do ʉ̃rapemaa jarasii apiid̶amera. Ara makʉd̶e joma apii nub̶eesii.

Lucas 9:39

Mau jai kachiruaba uru b̶uu. Mauba chi warr jidauruud̶e, b̶iabibarii, wawabibarii maud̶e okarrd̶aa kõpepeabibarii. Mauba mʉ warr ida b̶ukau.

Lucas 9:42

Chi warr Jesusmaa wãaruud̶e chi jai kachiruaba chi warr jeed̶a b̶aebiped̶a ãrea wawabisii. Maamina Jesusba chi jai duabʉisii. Chi warr aribiabid̶a chi akõremaa deasii.

Apocalipsis 12:12

¡Maud̶eeba joma chi bajãad̶e panuurã kĩrajʉ́sturu! Maamina chi nau iujãad̶e maud̶e mard̶e panuurã sid̶a miichuburi panad̶ai, jʉbawãe nii machimaa neesiid̶eeba. Mau miusia ãrea b̶uu, ãrea b̶uabai b̶uu kuitaa b̶uud̶eeba».