Lucas 4:24 - Emberá Chamí

²⁴ Mau awara jarasii: —Mʉʉba machimaa biawãra jaraaruu: ab̶au bid̶a Dachi Akõre baita berreabarii ara ichi druad̶e biꞌia irsibid̶akau.

Lucas 4:24 Iomraidhean Croise

Mateo 13:57

Ãchiba Jesús ijãad̶ai kʉ̃riad̶aabasii. Maud̶eeba Jesusba jarasii: —Dachi Akõre baita berreabarii ãibena druad̶e wapeadee nii abadau, maamina ara ichi druad̶ebenarãba maud̶e ichi ded̶ebenarãba wapeadee nii ad̶akau.

Juan 4:41

Ichiba jaradea ua b̶uud̶e ãchi maucha ãreaba ijãasid̶au.

Juan 4:44

Mau naed̶e ichiba jarasii Dachi Akõre baita berreabarii ara ichi druad̶ebenarãba wapeadee nii ad̶akau.

Hechos 22:3

«Mʉ judiobʉ. Cilicia druad̶e Tarso puurud̶e mʉ danaba mʉ adausii. Maamina mʉ nama Jerusalend̶e warisii. Jaradeabarii Gamalielba mʉʉmaa joma dachi nabẽraed̶ebenarã Moisesba b̶ʉd̶a ãrea jaradeasii. Mʉʉba Dachi Akõre ãrea ijãa b̶uabachii machiba ijãabadau kĩra.