Lucas 4:23 - Emberá Chamí

²³ Jesusba jarasii: —Machiba nau bed̶ea mʉʉmaa jarad̶ai: “Ʉrrmid̶ia deabarii, bichi du ab̶a aribiáse. Bichiba Capernaumd̶e waud̶a daiba ũrisid̶au. Nama bichi puurud̶e bid̶a arab̶aud̶e wause”.

Lucas 4:23 Iomraidhean Croise

Mateo 13:54

Maabae ichi puurud̶e neesii. Earab̶a judiorã araa ãbua imibadau ded̶e jaradea b̶uasii. Chi ũri panuuba adua basiid̶eeba kãare kʉ̃risiad̶ayu naka jarasid̶au: —¿Kaiba jãumaa kʉ̃risia kuitaa deasma? ¿Saka ẽbẽrarãba ne poyaa waud̶akau poyaa waui?

Mateo 4:13

Maamina Nazaret puurud̶e b̶eebasii, Capernaum puurud̶éburu b̶uad̶e wãsii. Mau puuru mar iikaa b̶uu. Neftalid̶ebena neeped̶aad̶a Israel druad̶e b̶uu maud̶e Zabulond̶ebena neeped̶aad̶a drua kaita b̶uu.

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Marcos 6:1

Maad̶akare Jesús ichi puurud̶aa wãsii. Ichi baara nibabadaurã sid̶a wãsid̶au.

Lucas 2:39

Moisesba b̶ʉd̶ad̶e b̶ʉ kub̶uu kĩra joma wauped̶aad̶akare José maud̶e María baara Galilea druad̶e ãchi puuru Nazaretd̶aa waya wãsid̶au.

Lucas 2:51

Maabae Jesús ãchi baara Nazaretd̶aa wãsii. Ãchiba jaraaduu ichiba joma waubachii. Joma Jerusalend̶e makad̶a chi naweba ãrea biꞌia kʉ̃risia b̶uabachii.

Lucas 4:16

Maabae Jesús ichi warid̶a puuru Nazaretd̶aa wãsii. Bari panabadau ewarid̶e ichiba waubarii kĩra judiorã araa ãbua imibadau ded̶e ed̶a wãsii. Maabae ichi akʉ nub̶eesii Dachi Akõre bed̶ea ed̶a jarai baita.

Lucas 4:31

Mau maad̶akare Jesús Galilea druad̶e Capernaum puurud̶aa wãsii. Bari panabadau ewarid̶e ichiba jaradea b̶uasii.

Lucas 4:35

Maud̶eeba Jesusba ichimaa naka jarasii: —Chũpea b̶uase. Jãu mukĩra kakuad̶ebena awara wãse. Ara makʉd̶e chi jai kachiruaba ẽbẽrarã tãed̶e b̶aebiped̶a awara wãsii, mau ẽbẽra puꞌuabiwẽa.

Lucas 6:42

Bakuru waib̶ʉa bichi daud̶e b̶uu unuwẽebʉrã ¿sakaburu ab̶aumaa naka jaraima: “Nejarr bichi daud̶e b̶uu mʉʉba aub̶arii”? ¡Bichi setaa ẽbẽra bia nii abarii! Naa bakuru waib̶ʉa bichi daud̶e b̶uu aub̶arise. Maka poyaa unui nejarr ab̶au daud̶e b̶uu aub̶arii baita. Ara mau kĩra bichiba kachirua wau b̶uu ida b̶use. Makaburu waabenarã poyaa aid̶ai.

Juan 4:28

Maabae chi wẽraba ichi choko b̶uiped̶a puurud̶aa wãsii. Neeped̶a ẽbẽrarãmaa jarasii:

2 Corintios 5:16

Maud̶eeba nau iujãad̶ebenarãba waabenarã ichiabadau kĩra jãabae daiba maka ichiad̶akau. Naed̶e daiba Cristo ʉ̃rʉbena maka kʉ̃risia panasmina jãabae maka waud̶akau.