Lucas 3:21 - Emberá Chamí

²¹ Juanba ẽbẽrarã boro eakua b̶uasiid̶e Jesús sid̶a boro easii. Maud̶e Jesusba Dachi Akõremaa berrearuud̶e bajãa ewasii.

Lucas 3:21 Iomraidhean Croise

Mateo 14:23

Jomaurã wãbiaped̶a ichi du ab̶a ead̶aa Dachi Akõremaa ʉtaa id̶id̶e wãsii. Kiusiid̶e ichi du ab̶a b̶uasii.

Lucas 5:16

Maamina Jesús b̶esed̶e ẽbẽra wãꞌãemaa wãbachii Dachi Akõremaa berreai baita.

Lucas 9:18

Earab̶a Jesús istu Dachi Akõremaa ʉtaa id̶imaa b̶uasii. Chi ichi baara nibabadaurã aria panuud̶e, Jesusba ãchimaa id̶isii: —Ẽbẽrarãba mʉ ¿kai kʉ̃risia panuma?

Juan 1:51

Maabae Jesusba jarasii: —Mʉʉba biawãra jaraaruu: machiba bajãa ewa nub̶uu unud̶ai. Maud̶e Dachi Akõre angelerã mʉ, chi Ẽbẽra Ba B̶uad̶amaa ed̶aa wãd̶aped̶a, waya ʉtaa wãwãbadau unud̶ai.