Lucas 24:52 - Emberá Chamí

⁵² Ãchiba Jesús ãrea kʉ̃riad̶aped̶a ãrea kĩrajʉʉ waya Jerusalend̶aa wãsid̶au.

Lucas 24:52 Iomraidhean Croise

Mateo 28:17

Ichi unusid̶aud̶e ichimaa biꞌia berreasid̶au maamina waabenarãba ãrea ijãad̶aabasii.

Lucas 24:51

Maka biꞌia berrea b̶uud̶e Dachi Akõreba ichi bajãad̶aa adoesii.

Lucas 24:53

Makaed̶ebena ãchi ewaricha Dachi Akõre de mechiu ãbudare wãbachid̶au Dachi Akõremaa biꞌia berread̶ai baita.

Juan 14:28

Mʉʉba machimaa jarasii mʉ wãaruu maud̶e waya machi baara b̶uad̶e neei. Machiba mʉ biawãra kʉ̃ria panasirã kĩrajʉʉd̶ai basii mʉ Chachamaa wãaruu kakua. Ichi mʉ audeara chi mechiu niid̶eeba mʉ waya b̶ui mʉ naed̶e b̶uad̶amaa.

Juan 16:22

Ara mau kĩra machi jãabae kĩra nomaa panuu, maamina mʉ waya machi ichiad̶e neei. Maabae machi kĩrajʉʉd̶ai. Ab̶au bid̶a mau kĩrajʉʉ poyaa wãꞌãebiibai.

Juan 16:7

Mʉʉba biawãra jaraaruu: machi baita biꞌia b̶uu mʉ wãi. Mʉ wãwẽebʉrã machi Aid̶abarii neebai. Maamina mʉ wãaruubʉrã chi mau machimaa bʉii.

Juan 20:28

Maud̶e Tomasba jarasii: —¡Mʉ Mechiu! ¡Mʉ Dachi Akõre!

Hechos 1:12

Maabae Olivo ead̶ebena Jerusalend̶aa waya wãsid̶au. Mau ea Jerusalend̶ebena kilómetro ab̶a b̶uu.

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.