Lucas 24:41 - Emberá Chamí

⁴¹ Maamina kĩrajʉʉba ãchiba wabid̶a poyaa ijãad̶aabasii. Ãchi pera duanuu kĩra duaneesii. Maud̶eeba Jesusba ãchimaa id̶isii: —¿Machiba chiko kod̶ai baita uru panuka?

Lucas 24:41 Iomraidhean Croise

Marcos 16:11

Maamina Mariaba Jesús chokae nii unusii a jarasiid̶e, ãchiba mau ijãad̶aabasii.

Marcos 16:13

Ãchi waya wãd̶aped̶a waabenarãmaa jarasid̶au. Maamina wabid̶a ijãad̶aabasii.

Marcos 16:14

Mau maad̶akare chi Jesús baara nibabadaurã 11 komaa panuud̶e, Jesusba ichi unubiasii. Ãchi sõ chaaread̶eeba ijãad̶aabasiid̶eeba maud̶e chi ichi chokae jiradud̶a unuped̶aad̶aba ãchimaa jarad̶a ijãad̶aabasiid̶eeba ichiba ãchi iadaasii.

Marcos 8:7

Maud̶e b̶eda ãreawãe uru panasid̶au. Jesusba mau kakua Dachi Akõremaa ichíturu kid̶ibai aped̶a ẽbẽrarãmaa dead̶akabiasii.

Lucas 24:11

Maamina maarãba chi wẽrarãba barikia berrea panuu kʉ̃risia panuud̶eeba, ijãad̶aabasii.

Lucas 24:40

Maka jaraped̶a ichi jua maud̶e jʉ̃rʉ unubiasii.

Lucas 24:42

Maud̶eeba ãchiba Jesusmaa b̶eda baad̶a deasid̶au. Maud̶e nidurr kũab̶ari b̶aa sid̶a deasid̶au.

Juan 16:22

Ara mau kĩra machi jãabae kĩra nomaa panuu, maamina mʉ waya machi ichiad̶e neei. Maabae machi kĩrajʉʉd̶ai. Ab̶au bid̶a mau kĩrajʉʉ poyaa wãꞌãebiibai.

Juan 21:5

Maka b̶uud̶e Jesusba ãchimaa jĩwa id̶isii: —Warrarã, ¿b̶eda jidausid̶aka? Ãchiba panausid̶au: —Jidaud̶awẽa panuma.

Hechos 12:14

Rodeba Pedro mimi kuitaasiid̶e, kĩrajʉʉsii. Maamina chi poraa ewaabasii. Maumaarã, ed̶a waa pira wãped̶a ãbarãmaa jarasii Pedro awara nii.