Lucas 24:21 - Emberá Chamí

²¹ Daiba kʉ̃risiasid̶au ichiaburu dachi Israel puuru Romabid̶arã juad̶ebena karibai. Maamina ichi beaped̶aad̶a id̶i ewari õbea basii.

Lucas 24:21 Iomraidhean Croise

Lucas 1:68

«¡Dachi Mechiu ãrea biꞌia nii, Dachi Akõre Israeld̶ebenarãd̶e, ichi ẽbẽrarã karibayua neesiid̶eeba!

Lucas 2:38

Mau chõodraa Jesús akõrerã kaita wãped̶a Dachi Akõremaa ichíturu kid̶ibai jarasii. Maabae Dachi Akõre Jerusalén puuru karibai ewari esed̶au panuurãmaa chi wãwa ʉ̃rʉbena berreasii.

Hechos 1:6

Maabae chi Jesús baara ãbua panad̶aba ichimaa id̶isid̶au: —Dai Mechiu, ¿anakʉd̶e bichiba dachi Israel puuru chi aude mechiu b̶uabiika, chi naa b̶uad̶a kĩra?

Hechos 7:28

¿Mʉ sid̶a beai kʉ̃ria b̶uka Egiptod̶ebena bead̶a kĩra?”

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.