Lucas 23:5 - Emberá Chamí

⁵ Maamina waya jara kopaneesid̶au: —Jãuba jaradea b̶uuba dai judiorã kĩrubikabi b̶uu. Nau Galilea druad̶e maka wausii maud̶e nau puurud̶e bid̶a maka wau b̶uu.

Lucas 23:5 Iomraidhean Croise

Mateo 11:1

Jesusba ichi baara nibabadaurã 12 panuumaa jaradeaped̶a arabena wãsii jaradead̶akad̶e mau druad̶ebena puurucha.

Mateo 2:1

Belén puurud̶e Judea druad̶e chi naweba Jesús adausiid̶e Herodes chi Mechiu abadau chi rey basii. Mau ewarid̶e Jerusalén puurud̶e neesid̶au chi nuree ẽbẽrarã ʉmada neebariare. Maarã ẽbẽrarãba kuitaabachid̶au chi pusterrea kawa ichiaduud̶e.

Mateo 27:24

Maka panuud̶e Pilatoba kuitaasii ẽbẽrarãba ichi bed̶ea ijãad̶aabasii. Mau awara unusii ẽbẽrarã aude b̶iuka nub̶eeduu. Maabae baniaba ichi jua jomaurã daad̶e jeraaped̶a jarasii: —Nau ẽbẽra jipa b̶uu beaduu kakua mʉ nebʉra wauwẽa b̶uu. Mau biawãra machid̶e b̶uu.

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Marcos 1:14

Juan chi Boro Eabarii jʉ̃a b̶uasiid̶e Jesús Galilea druad̶aa wãped̶a chi bed̶ea bia Dachi Akõre ʉ̃rʉbena jaradeabachii.

Lucas 11:53

Jesús wãsiid̶e fariseorãba maud̶e Moisesba b̶ʉd̶a jaradeabadauba kĩru panuuba Jesusmaa aude ne chaarea id̶i kopaneesid̶au.

Lucas 23:23

Maamina ãchi wabid̶a jĩwa b̶ia duanasid̶au Jesús cruzd̶e jirab̶u beabimera. Mau awara paare mechiurãba ara mau kĩra jĩwa jara duaneesid̶au ab̶a Pilatoba ãchiba kʉ̃ria panad̶a wauruud̶aa.

Lucas 23:6

Mau ũrisiid̶e Pilatoba ãchimaa id̶isii Jesús Galilead̶ebena kuitaai baita.

Juan 1:43

Norema Jesusba Galilea druad̶aa wãi kʉ̃risiasii. Maud̶eeba Felipe jʉrʉsii. Unuped̶a jarasii: —Mʉʉba kʉ̃ria b̶uu bichi mʉ baara nibai.

Juan 19:15

Maamina ãchiba jĩwa jarasid̶au: —¡Beabise! ¡Beabise! ¡Cruzd̶e jirab̶u beabise! Maud̶eeba Pilatoba jarasii: —¿Makarã mʉʉba machi rey cruzd̶e jirab̶u beabi kʉ̃ria panuka? Maabae chi paare mechiurãba panausid̶au: —¡Dai rey june wãꞌãe panuu, César Augusto awara!

Juan 2:11

Mau ẽbẽrarãba ne poyaa waud̶akau naed̶e waud̶a Jesusba Caná puurud̶e Galilea druad̶e wausii. Maud̶ebena ichi chi Mechiu unubisii. Maka ichi baara nibabadaurãba ichi biawãra ijãasid̶au.

Juan 7:41

Maud̶e waabenarãba jarasid̶au: «Ichi Dachi Akõreba Dachi Karibabarii deai jarad̶a». Maamina waabenarãba jarasid̶au: «Makawãe. ¿Dachi Akõreba Dachi Karibabarii deai jarad̶a Galilead̶ebena neebaika?

Juan 7:52

Ãchiba panausid̶au: —¿Makarã bichi Galilead̶ebenaka? Dachi Akõre bed̶ea b̶ʉd̶ad̶e biꞌia jʉrʉse. Maud̶e bichiba kuitaai ab̶au bid̶a Dachi Akõre baita berreabarii Galilead̶ebena neewẽe.

Hechos 10:37

Machiba kuitaa panuu joma Judea druad̶e Jesús ʉ̃rʉbena nebʉrʉbadau. Naed̶e Galilead̶e Juanba jaradea b̶uasii ẽbẽrarã boro ead̶amera.

Hechos 23:10

Aude mia ũrimaa bara b̶eesiid̶e, kokoroarã mechiuba, Pablo poyaa pichipichia waud̶ai wapea kʉ̃risia b̶uud̶e, ichi kokoroarã iukuasii mia ũrimaa duanuumaabena awara adoed̶amera maud̶e ãchi deemaa adoed̶amera.

Hechos 5:33

Judiorã mechiurãba mau ũrisid̶aud̶e, ãrea kĩrud̶aped̶a Jesusba bʉid̶arã kenad̶ai kʉ̃riasid̶au.

Hechos 7:54

»Mau bed̶ea ũrisid̶aud̶e chi judiorã mechiurã Esteban ome ãrea kĩruuduuba ãchi kid̶a kʉrrʉasid̶au.

Hechos 7:57

Mau ũrisid̶aud̶e ãchi ãrea b̶iad̶aped̶a ãchi kʉʉrʉ juaba jʉ̃asid̶au. Maud̶e jomaurãba Esteban orra adausid̶au.