Lucas 23:39 - Emberá Chamí

³⁹ Maud̶e ẽbẽra ab̶a kachirua waud̶a kakua cruzd̶e jirab̶uped̶aad̶aba Jesús naka kachirua jarabachii: —Bichi biawãra Dachi Akõreba Dachi Karibabarii deai jarad̶abʉrã, ara bichi du ab̶a karibaped̶a dai sid̶a karibase.

Lucas 23:39 Iomraidhean Croise

Mateo 27:44

Maud̶e ẽbẽra mia kachirua nuree ichi jãkaa cruzd̶e jirab̶uped̶aad̶a bid̶a ara mau kĩra kachirua berreasid̶au.

Marcos 15:32

Jãu Dachi Akõreba Dachi Karibabarii deai jarad̶a, jãu Israeld̶ebena Rey, cruzd̶ebena ed̶aa uruubʉrã makarã ijãad̶ai. Chi ichi jãkaa jira panad̶a bid̶a ichi ʉ̃rʉbena kachirua berreabachid̶au.

Lucas 23:35

Joma mau ẽbẽrarãba ichia duanasid̶au. Maud̶e chi karrarãba ichi atua jara duanasid̶au: —Waabenarã karibasii. Nau chi Dachi Akõreba Dachi Karibabarii deai jarad̶abʉrã maud̶e Ichiba Bʉid̶abʉrã, ¿sakãe ara ichi du ab̶a poyaa karibawẽma?

Lucas 23:40

Maamina chi ab̶auba ichi naka iadaasii: —¿Bichi sid̶a arab̶aud̶e kastikamaa panuukaud̶e Dachi Akõre wapeawẽka?