Lucas 23:26 - Emberá Chamí

²⁶ Jesús cruzd̶e jirab̶ud̶ai baita adoesid̶aud̶e Cirened̶ebena Simón abadau waya puurud̶aa neeruu basii. Jesusba cruz adoeruu inibad̶a mau Simonmaa ichi kaad̶e adoebisid̶au.

Lucas 23:26 Iomraidhean Croise

Mateo 5:41

Maud̶e ab̶auba ne chikʉa kilómetro ab̶a adoebiiruubʉrã, sõbiad̶eeba kilómetro ome adoese.

Lucas 14:27

Mʉʉd̶e ijãa b̶uu kakua, biꞌiwãe b̶uubʉrã, poyaa mʉ baara nibaabai.

Lucas 23:25

Barrabasba puurud̶ebenarã kĩrubikabid̶amina maud̶e mia bead̶amina Pilatoba mau chi jʉ̃abadau ded̶ebena enatasii ẽbẽrarãba id̶isid̶aud̶eeba. Maabae ãchiba kʉ̃ria panuu kĩra Jesús makabiasii.

Lucas 9:23

Jesusba jomaurãmaa jarasii: —Ab̶a mʉ baara nibai kʉ̃ria b̶uubʉrã, chi mauba wau kʉ̃ria b̶uu, ida b̶ui b̶uu, maud̶e ewaricha ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 2:10

Frigiad̶ebena, Panfiliad̶ebena, Egiptod̶ebena, Libia druad̶e Cirene puuru kaitad̶ebena maud̶e Romad̶ebena nama panuu. Dachi chi judiorã maud̶e chi griegorã judiorã kĩra panabadaurã nama panuu.

Hechos 6:6

Chi ãbarãba maarã Jesusba bʉid̶arãmaa adoesid̶aud̶e, Dachi Akõremaa ʉtaa id̶iiduud̶e ãchi jua maarã ʉ̃rʉ kub̶usid̶au.

Hechos 6:9

Maud̶e waabenarã judiorã Cirene druad̶ebena maud̶e Alejandría puurud̶ebena panasid̶au. Ãchi judiorã araa ãbua imibadau de “Chi chibari baita bari trajabarii enakuaped̶aad̶arã” abachid̶au. Waabena judiorã Cilicia druad̶ebena maud̶e Asia druad̶ebena panasid̶au. Joma mau judiorã Esteban ome oa kachirua berrea duaneesid̶au.