Lucas 22:38 - Emberá Chamí

³⁸ Maud̶eeba ãchiba jarasid̶au: —Dai Mechiu, nama espada ome uru panuu. Jesusba jarasii: —Ara b̶uu. Waa berrearã́sturu.

Lucas 22:38 Iomraidhean Croise

Mateo 26:51

Maud̶e Jesús baara nibabarii ab̶aba ichi espada erta adauped̶a paare mechiu chi bari baita trajabarii kʉʉrʉ oatutasii.

Lucas 22:36

Maud̶eeba ichiba jarasii: —Maamina jãabae mʉʉba jaraaruu: chi nejarra uru b̶uubʉrã adoese. Ũabisa bara b̶uubʉrã mau sid̶a adoese. Espadaswãe b̶uuba anab̶ari jʉ̃barii nedobʉiped̶a ab̶a nedose.

Lucas 22:49

Jesús baara nibabadaurãba kuitaasid̶au chi Jesús jidaud̶ai. Maud̶eeba naka id̶isid̶au: —Dai Mechiu, ¿espadaba chĩod̶aika?

Juan 18:36

Jesusba panausii: —Mʉ ẽbẽrarã mʉ juad̶e ua b̶umina mʉ puuru nau iujãad̶ebenawãe. Nau iujãad̶ebena basirã mʉ ẽbẽrarã chĩod̶ai basii judiorãba mʉ jidaurãad̶amera. Maamina mʉ puuru nau iujãad̶ebenawãe.

1 Tesalonicenses 5:8

Maamina dachi chi ãyadaabenad̶eeba kĩrabia nuread̶ai panuu. Cristod̶e ijãa panad̶ai panuu, waabenarã kʉ̃ria nuread̶ai panuu maud̶e Dachi Akõreba kastikai bad̶ad̶ebena karibai esed̶au panad̶ai panuu. Maka ara dachi biꞌia nu panad̶ai, kokoroaba ichi borod̶e chaarea b̶uu jʉ̃barii kĩra, maud̶e kakuad̶e jʉ̃barii chaarea jʉ̃barii kĩra.

1 Pedro 5:9

Maamina jʉbawãe nii ijãarã́sturu. Cristod̶e ãrea ijãa panásturu, kuitaa panuud̶eeba machi ãbarã joma druacha nuree ara mau kĩra ãrea biꞌiwãe panuu.