Lucas 22:25 - Emberá Chamí

^25-26 Maud̶eeba Jesusba ãchimaa jarasii: «Ab̶au bid̶a ichi chi mechiu nii kʉ̃risiabai b̶uu. Nau druad̶ebena reyrãba ãchi ẽbẽrarã ãrea jaradea ua b̶uabadau maud̶e ãchi puuru ãrea aid̶abadau abadau. Maamina machi maka panad̶aabai panuu. Chi chõra nii chi kũudrãa nii kĩra b̶uai b̶uu. Chi jaradea ua b̶uabarii chi ichi baita bari trajabarii kĩra b̶uai b̶uu.

Lucas 22:25 Iomraidhean Croise