Lucas 21:9 - Emberá Chamí

⁹ Puuru ab̶a ab̶au puuru ome chĩobika nub̶uu ũriiduud̶e maud̶e makad̶ai ʉ̃rʉbena ũriiduud̶e, wapearã́sturu. Mau joma makai b̶uu. Maamina chi kaad̶ebena ewari wabid̶a neebai.

Lucas 21:9 Iomraidhean Croise

Lucas 21:10

Mau awara Jesusba jarasii: «Drua ab̶a ab̶au drua ome chĩobika nub̶uai. Maud̶e rey ab̶a ab̶au rey ome chĩobika nub̶uai.

Lucas 21:28

Mau unuuduud̶e kĩrajʉʉ panásturu, machi karibai ewari bai uru b̶uud̶eeba».

Lucas 21:8

Jesusba panausii: —Kauwa nureásturu ab̶au bid̶a setaa kũruarãad̶amera. Ãreaba jarad̶ai: “Mʉ Dachi Akõreba Dachi Karibabarii deai jarad̶a”. Mau awara chi ewari araa bamaa b̶uu ad̶ai. Maamina maarã baara wãrã́sturu.