Lucas 20:46 - Emberá Chamí

⁴⁶ «Moisesba b̶ʉd̶a jaradeabadaurãd̶e kauwa panásturu. Ãchiba paru chi nejarra ãrea id̶ibadau jʉ̃d̶ai kʉ̃riabadau. Maud̶e puurud̶e nid̶aud̶e ẽbẽrarãba wapeadee panuud̶eeba saka b̶uma ad̶ayu kʉ̃riabadau. Dachi judiorã araa ãbua imibadau ded̶e ãchi jomaurã kĩraare akʉ paneebadau, jaradea ua b̶uabadau mechiurã akʉ paneebadaumare; maud̶e waabenarã baara kod̶e wãaduud̶e ara maka waubadau.

Lucas 20:46 Iomraidhean Croise

Mateo 16:6

Maud̶e Jesusba jarasii: —Fariseorã masa ẽesãabibarii maud̶e saduceorãd̶e kauwa panásturu.

Mateo 23:1

Mau maad̶akare Jesusba ichi baara nibabadaurãmaa maud̶e waabenarã ẽbẽrarãmaa bid̶a jarasii:

Marcos 8:15

Maud̶e Jesusba jarasii: —Fariseorã masa ẽesãabibarii maud̶e Herodesd̶e sid̶a, kauwa panásturu.

Lucas 11:43

»¡Machi fariseorã miichuburi nuree Dachi Akõreba kastikaid̶eeba! Machi judiorã araa ãbua imibadau ded̶e chi jaradea ua b̶uabadau mechiurã akʉ paneebadaumare akʉ b̶eed̶ai kʉ̃riabadau. Mau awara puurud̶e nid̶aud̶e ẽbẽrarãba wapeadee panuud̶eeba saka b̶uma ad̶ai kʉ̃riabadau.

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

Lucas 14:7

Jesusba unusii chi kod̶e neeped̶aad̶arãba chi aude mechiu nii akʉ b̶uabariimare jʉrʉsid̶au akʉ duaneed̶ai baita. Maud̶eeba Jesusba ãchimaa naka nebʉrʉsii:

Lucas 20:47

Maarãba pẽdrãarã ne kaebea juakaa adaubadau maud̶e ʉtaa ãrea id̶ibadau ẽbẽrarãba machi biꞌia ichiad̶amera. Maud̶eeba Dachi Akõreba ãchi aude kastikai».

Romanos 12:10

Biawãra kʉ̃riad̶eeba chiya kʉ̃ria panásturu. Kʉ̃risia sõbiad̶eeba chiya wapeadee panásturu maud̶e waabenarã ʉ̃rʉbena biꞌia kʉ̃risiásturu.

2 Timoteo 4:15

Ichi ome kauwa b̶uase. Dachiba jaradea panuu ʉ̃rʉbena ichiba ãrea kachirua jarasii.

3 Juan 1:9

Mʉʉba naed̶e karta b̶ʉsii joma ãbarã mamabena baita. Maamina Diotrefesba dai bed̶ea ijãawẽa nii. Ichi ãbarã tãed̶e chi mechiu nibai kʉ̃ria b̶uu.